Spanja zyrtarizon listën për Euro 2024, De La Fuente lë jashtë tre yje të mëdhenj

Përzgjedhësi i Kombëtares së Spanjës, Luis de la Fuente ka konfirmuar zyrtarisht listën me 26 futbollistët e ftuar për Kampionatin Evropian “Gjermani 2024”, ku nuk mungojnë befasitë.

Këtë të premte është zyrtarizuar lista përfundimtare e Kombëtares së Spanjës për Euro 2024 që do të zhvillohet në Gjermani nga data 14 qershor deri më 14 korrik.

Luis de la Fuente, i rinovuar së fundmi zyrtarisht, bëri tre përjashtimet nga lista paraprake, përpara ndeshjes së kësaj të shtune në Mallorca kundër Irlandës së Veriut.

Çdo ekip mund të sjellë gjithsej 26 lojtarë dhe një minimum prej 23 lojtarësh në ndeshje, një shifër që ishte e zakonshme përpara kohërave të Covid-19. Por, pas kërkesës së përzgjedhësve, ajo u zgjerua.

Fakti është orari më se i ngjeshur që bëri që UEFA të pranonte kërkesën. Tani, Spanja e ka zyrtarizuar listën e saj, ku nuk mungojnë befasitë.

Tre largime

Aleix Garcia i Gironas, Marcos Llorente i Atletico Madridit dhe Pau Cubarsi i Barcelonës janë lënë jashtë listës të së zgjedhurve nga trajneri Luis de la Fuente.

Tre yjet spanjollë nuk kanë mundur të futen fshehurazi në një listë prej 26 ku kanë mbetur emra si Dani Vivian dhe Ayoze Perez.

¡¡𝗡𝗨𝗘𝗦𝗧𝗥𝗢𝗦 𝟮⃣𝟲⃣ 𝗘𝗟𝗘𝗚𝗜𝗗𝗢𝗦 𝗣𝗔𝗥𝗔 𝗟𝗔 𝗘𝗨𝗥𝗢!!

📲 Guarda bien esta imagen, en mes y medio puede ser HISTORIA.

ℹ️ https://t.co/9jhJ40la7B#VamosEspaña | #EURO2024 pic.twitter.com/bPDlYl9Fs0

— Selección Española Masculina de Fútbol (@SEFutbol) June 7, 2024

Lista e Spanjës për Euro 2024

Portierë: Unai Simon, David Raya, Alex Remiro

Mbrojtës: Dani Carvajal, Jesus Navas, Laporte, Le Normand, Nacho, Vivian, Grimaldo, Cucurella

Mesfushorët: Rodri, Zubimendi, Fabian Ruiz, Mikel Merino, Pedri, Baena, Fermin.

Sulmues: Morata, Joselu, Ferran Torres, Oyarzabal, Dani Olmo, Nico Williams, Lamine Yamal dhe Ayoze Perez

/Telegrafi/