Sekretari i Përgjithshëm i LDK-së, Imri Ahmeti, ka thënë se cilido qoftë variant do të ishte i pranueshëm, siç u shpreh ai, vetëm që Albin Kurti të mos jetë kryeministër.
Ai është shprehur se janë duke punuar që Lidhja Demokratike të dalë e para dhe u shpreh se po shohin një trend në rritje.
“Ne po punojmë dhe mendojnë që do t’ia dalim mirë në zgjedhje, natyrisht që cilido qoftë variant do të ishte i pranueshëm, veç Albin Kurti të mos jetë kryeministër. Ne punojmë që Lidhja Demokratike të dalë e para, unë besoj që në vazhdimësi po e shohim një trend të rritjes graduale dhe ky trend i rritjes neve na jep mesazh që duhet të vazhdojmë punën”, është shprehur Ahmeti.
Ahmeti vlerëson se qëndrimi i PDK-së për zgjedhjet mund të ketë prolonguar dorëheqjen e kryeministrit Albin Kurti.
Ai mes tjerash potencon se Kurti është dorëzuar si kryeministër kur ka shprehur gatishmëri për të shkuar në zgjedhje.
“Mund ta ketë prolonguar, nuk jam te ajo pjesa e njerëzve që e ka prishur këtë situatë por unë mendoj që është prolonguar për një momentum të caktuar. Albin Kurti është dorëzuar si kryeministër në momentin kur ai ka shprehur gatishmëri për të shkuar në zgjedhje”, u shpreh Ahmeti në Rubikon të Klan Kosovës.
“Cilat janë arsyet që ai dëshiron të shkojë në zgjedhje? Ai ka trumbetuar që do ta çojë mandatin deri në fund, tani erdh me një situatë, e para për t’i ikur vëmendjes me këtë huqje të madhe drastike të Këshillit të Evropës, e dyta ndoshta për të futur përçarje mes opozitës dhe për të ngrehur një takim të madh rreth takimit të kryeministrit me kryetarin e Partisë Demokratike të Kosovës”.
Ahmeti e ka konfirmuar se do të jetë kandidat për deputet në zgjedhjet e ardhshme. Ditë më parë në mbledhjen e Këshillit të Përgjithshëm të LDK-së, drejtues të kësaj partie kanë bërë të ditur se disa kryetarë komunash do të jenë kandidatë për deputetë.
“Është diskutuar, ka një vullnet, shumica e kryesisë mendojnë që edhe kryetarët e komunave duhet të jenë në listë për deputet, për shkak të peshës dhe rëndësisë që kanë zgjedhjet dhe natyrisht për shkak të mbështetjes së madhe që kanë kryetarët e komunave që vijnë nga LDK”, tha kryetari i Lipjanit.
Sipas tij, “vendimin definitiv të listës do ta marrë Këshilli i Përgjithshëm”. “Unë besoj që do të jemi pjesë shumica e kryetarëve të komunave që vijmë nga LDK. Do ta përfillim qëndrimin e LDK-së. Unë nuk synoj që të jem deputet, synoj që t’i ndihmoj LDK-së. Nuk do e lë mandatin e kryetarit, por ua bëj me dije që jam në listë për t’i ndihmuar partisë”, tha Ahmeti.
Njëjtë si Imri Ahmeti, në garë për deputetë do të jenë edhe kryetari i Pejës, Gazmend Muhaxheri dhe ai i Fushë Kosovës, Burim Berisha.
Lufta Prigozhin - Putin
Më shumëDelegacioni serb largohet nga konferenca rajonale, pasi delegacioni i Kosovës përmendi sulmin terrorist në Banjskë
Një i vdekur dhe 14 të lënduar në aksidentin mes autobusit dhe veturës në Keqekollë të Prishtinës
Sveçla: Ka përfunduar koha e kontrollit të veriut nga strukturat kriminale e terroriste të Serbisë
Zvarritja e punimeve dhe rruga përplot gropa, dëmtojnë automjetet dhe krijojnë kolona të gjata në magjistralen Prishtinë-Podujevë
Policia identifikoi kamera vëzhguese të kamufluara për monitorim të lëvizjes së qytetarëve dhe institucioneve të Kosovës në veri
“E shoh në ëndërr shtëpinë dhe Çamërinë”, 80 vjet nga masakra kundër çamëve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Faza e eliminimit direkt në Euro 2024: Kompletohen çiftet, mësohet orari
Pse nuk u takua me Vuçiqin dhe a kanë vdekur marrëveshjet e Brukselit dhe Ohrit? - krejt çka tha Kurti pas takimit në Bruksel
Grusht shteti në Bolivi? Ushtarët sulmojnë pallatin presidencial, presidenti kërkon që të respektohet demokracia
Mburrej me të pasmet e saj 27-milionëdollarëshe: Besohet se trupi i saj nuk ka asnjë të metë, megjithatë realiteti është ndryshe
Hungaria priti tri ditë për tu eliminuar nga Euro 2024, Kroacia e treta më e dobët
Tifozët belgë filluan ta shanin, De Bruyne u hakmerret menjëherë