Struga Trim Lum dhe Shkupi kanë regjistruar fitore në ndeshjet e luajtura mesditën e sotme në kuadër të xhiros së 23-të në Superligën e Maqedonisë së Veriut, ndërsa Shkëndija është ndalur nga Voska Sporti në Tetovë.
Kampionët në fuqi morën fitore 3:1 në shtëpi përballë Brera Strumicës, me Besart Ibraimin që realizoi golin e parë nga penalltia në minutën e 33-të, teksa tre minuta më vonë një autogl i Rufatit, rriti epërsinë në 2:0 për ekipin e Shpëtim Duros. Pjesa e dytë solli golin e tretë për struganët, të cilët përmes Radeskit në minutën e 59-të çuan shifrat në 3:0. Mysafirët pesë minuta para fundit me Ivkoviq shënuan golin e vetëm.
Shkupi në Çair triumfoi përballë Rabotniçkit me shifra 3:2. Fillimisht dukej se bardhekaltërit do të siguronin shumë lehtë tre pikët, kur pjesa e parë u mbyll me dy gola të shënuar nga Rwatubyaye dhe Gronner, por në fraksionin e dytë “romantikët” gjetën dy herë tjera rrjetën me Adem dhe Gando, duke barazuar përkohësisht rezultatin. Megjithatë autori i golit të parë për Shkupin, u shfaq sërish në skenë ku në minutën e 84-t shënoi gol për fitore të skuadrës nga Çairi me shfira finale 3:2.
Në Tetovë, Shkëndija nuk ka mundur të shkojë më shumë se një barazim pa gola në duelin me Voska Sportin. Të dyja ekipet kishin rastet e tyre, teksa kuqezinjtë mund ta mbyllnin me fitore këtë ndeshje, megjithatë Çinari nuk ishte i saktë nga pika e bardhë, duke humbur penallti përballë Zahovit që doli më i suksesshëm.
Me barazim pa gola u mbyll edhe ndeshja ndërmjet Gostivarit dhe Vardarit, me ekipin vendas që nuk arriti të merr një triumf kundrejt një ekipi që parashiheshin favorit për të fituar.
Në dy duelet tjera, Makedonija Gjorçe Petrovi u mund nga Sileksi në Kratovë me rezultat minimal 1:0, ndërsa Tikveshi triumfoi ndaj Bregallnicës me shifra 2:1.
Xhiroja e radhës dhe e 24-t në Superligën e Maqedonisë së Veriut në program është me 16 mars./Telegrafi/
Promo
Reklamo këtuLufta Prigozhin - Putin
Më shumëNga Rubrika
Fitorja e Ballkanit në finale i bën me mijëra euro Llapin, Dritën dhe Malishevën
Finalja Ballkani – Prishtina: Trofetë e klubeve, 10 përballjet e fundit, rruga për në finale dhe formacionet e mundshme
Kapiteni i Yllit, Morina: Shkojmë për fitore në Mitrovicë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251