Biden akuzon Kongresin për ‘rënien’ e qytetit ukrainas Avdiivka

Presidenti amerikan Joe Biden ka akuzuar Kongresin për tërheqjen e trupave ukrainase nga Avdiivka në lindje të Ukrainës, duke theksuar mospërfshirjen e Kongresit që rezultoi me këtë humbje të madhe.

“Ushtria ukrainase ka qenë e detyruar të tërhiqet nga Avdiivka për shkak të mungesës së municionit, që është rezultat i mos reagimit të Kongresit dhe me fitoren e parë të rëndësishme për Rusinë në disa muaj”, ka njoftuar Shtëpia e Bardhë pas një telefonate të zhvilluar mes Bidenit dhe presidentit ukrainas Volodymyr Zelensky, transmeton Telegrafi.

Rënia e Avdiivka konsiderohet si fitorja më e madhe për Rusinë që nga viti i kaluar, kur mori nën kontroll Bakhmutin.

Lexo po ashtu Protestuesit në Beograd fyejnë rëndë presidentin rus Vladimir Putin

“Biden në bisedën telefonit ka siguruar presidentin ukrainas, se do të vazhdojë të ketë mbështetje dhe ka theksuar nevojën për ndihmë urgjente nga ana e Kongresit që pritet të miratojë paketën e re të ndihmës për Ukrainën”, ka njoftuar Shtëpia e Bardhë

Senati amerikan së fundmi ka miratuar paketën e re të ndihmës për Ukrainën në vlerë prej rreth 60 miliardë dollarë. A do të kalojë këtë ndihmë Dhoma e Përfaqësuesve që kontrollohet nga shumica me republikanë – akoma nuk dihet.

Madje kreu i saj Mike Johnson ka bërë të qartë se as që do ta vë në votim ligjin. /Telegrafi/