Newcastle United i cakton çmimin Guimaraesit, gjigantët evropianë nuk e kanë problem ta paguajnë

Newcastle United, një nga skuadrat ikonike në Ligën Premier, po kalon probleme serioze financiare për shkak të shpenzimeve të mëdha që kanë bërë në merkato të fundit.

Ndërsa pronarët sauditë kanë investuar shumë në klub, tifozët janë emocionuar nga blerjet e emrave të mëdhenj, por tani po shohin pasojat financiare.

Thashethemet e fundit që kanë tronditur botën e futbollit janë se Newcastle United mund të jetë i gatshëm të dëgjojë ofertat për një nga lojtarët e tyre më të mirë, Bruno Guimaraes. Klubi anglez e ka bërë të qartë se nuk është i gatshëm të shet mesfushorin e talentuar brazilian, por ka vendosur një çmim prej më shumë se 100 milionë euro, një shifër që mund të tundojë gjigantët evropianë.

Lexo po ashtu Nuk e kanë në plan të ndalen: Pronarët e Chelseat po punojnë në zbarkimin e top tre yjeve në Stamford Bridge

Sipas gazetarit turk, Ekrem Konur, klube të kalibrit të Real Madrid, Chelsea dhe Paris Saint-Germain janë të interesuara për shërbimet e Bruno Guimaraes. Këto skuadra kanë fuqinë financiare të nevojshme për të përballuar çmimin e lartë të transferimit që kërkon Newcastle.

Të dy klubet po kërkojnë të forcojnë skuadrat e tyre dhe të shohin në Guimaraes një lojtar me potencial të madh dhe shkathtësi në mesfushë.

Situata financiare e Newcastle është shqetësuese dhe shitja e mundshme e Guimaraes mund të lehtësojë problemet e tyre financiare. Megjithatë, humbja e një pjese kyçe si ai do të ishte një goditje e rëndë për skuadrën dhe tifozët e saj dhe për këtë arsye ata nuk janë të gatshëm të dëgjojnë oferta nën 100 milionë euro. /Telegrafi/