Kanë mbetur detajet e fundit për t’u diskutuar para se Kean t’i bashkohet gjigantit spanjoll

Moise Kean raportohet se është një hap larg afër transferimit tek Atletico Madridi pasi që Juventusi tashmë ka dhënë dritën e gjelbër për marrëveshjen.

Sulmues 23-vjeçar ka hasur në vështirësi për të marrë minuta nën urdhrat e Massimiliano Allegrit në pjesën e parë të sezonit, pasi ka luajtur vetëm 472 minuta përgjatë 12 ndeshjeve në Serie A.

Ai më pas kishte pësuar një lëndim që e kishte mbajtur italianin jashtë fushave për një muaj.

Juventusi e bëri të qartë se Kean mund të largohet gjatë këtij muaji dhe disa klube të ndryshme italiane, duke përfshirë edhe Monzën, u munduan të bëjnë një ofertë për sulmuesin.

Lexo po ashtu Juventusi përgatit marrëveshje shkëmbimi, ofron yllin e ekipit për 'lojtarin më të mirë të akademisë së Arsenalit'

Atletico Madridi eventualisht u fut në garë dhe tashmë ka marrë primatin si ekipi favorit për të siguruar shërbimet e tij.

Siç u raportua nga gazetari italian Alfredo Pedulla, gjithçka tashmë është bërë gati për kalimin e Kean tek Atletico Madridi dhe në bankën e Juventusit do të transferohen 400 mijë euro, për një marrëveshje prej gjashtë muajsh huazim, pa të drejtë blerje.

Esclusiva: #Kean – #AtleticoMadrid, si chiude! Formula confermata. I dettagli e la tempistica https://t.co/cxuQARaAQc

— Alfredo Pedullà (@AlfredoPedulla) January 21, 2024

“Zonja e Vjetër” pra siç u përmend e ka dhënë dritën e gjelbër dhe Kean pritet që të fluturojë në Spanjë për të kompletuar transferimin gjatë ditëve në vijim./Telegrafi/