Kvaratskhelia tregon madhështinë e Messit gjatë ceremonisë së ‘Topit të Artë’, ka ndryshuar tërësisht mendimin për argjentinasit
Ylli i Serie A, Khvicha Kvaratskhelia ndau një përvojë të mahnitshme që pati me Lionel Messin gjatë ceremonisë të Topit të Artë në Paris të mbajtur disa javë më parë.
Kvaratskhelia, i cili e admiron sulmuesin argjentinas, e përshkroi takimin si “çmenduri”.
Lojtari i ri shprehu admirimin e tij për Messin dhe theksoi një detaj të jashtëzakonshëm që ka përjetuar gjatë ceremonisë, teksa kampioni i botës, pavarësisht famës së tij, u ngrit në këmbë dhe shkoi të përshëndesë Kvaratskhelia.
“Ndoshta nuk do të më besoni nëse do t’ju tregoja historinë. Perceptimi i Messit si person ndryshoi plotësisht për mua pas kësaj që ndodhi”.
“Sigurisht që e kam njohur si lojtar dhe është shumë e vështirë të gjesh një lojtar si ai në të gjithë historinë e futbollit”.
“Epo, ne ishim ulur në ceremoni gjatë një prej pushimeve të ceremonisë. Ai ishte ulur në anën time të djathtë. Leo papritmas u ngrit në këmbë dhe unë nuk e dija pse e bëri këtë dhe ku po shkonte ndërsa ne ishim aty. Ne ishim paralajmëruar të qëndronim ulur gjatë pushimeve. Por ai eci drejt meje”.
“Nuk e dija se çfarë po ndodhte dhe befas, ai më zgjati dorën që t’ia shtrëngoja. Isha aq konfuz saqë u ngrita në çast dhe i dhashë dorën. Pas kësaj, ai ma bëri me dorë dhe u kthye në vendin e tij”.
“Ai fitoi respektin tim të madh pas kësaj. Një lojtar si ai të ngrihej për të më përshëndetur… ishte çmenduri. Ai është një person i mrekullueshëm dhe unë e respektoj dhe e vlerësoj shumë më shumë”, deklaroi Kvaratskhelia.
Këto lloj historish tregojnë jo vetëm madhështinë e lojtarëve në fushë, por edhe ndikimin e tyre jashtë fushës duke frymëzuar siç bëri Messi me Kvaratskhelian. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251