Afërsisht 80 vende dhe organizata ndërkombëtare po takohen sot në Paris, për të koordinuar dërgimin e ndihmave dhe për të vlerësuar se si do të ndihmohen të plagosurit në enklavën palestineze të Gazës, por nëse nuk ka ndërprerje të luftimeve, nuk priten rezultate konkrete.
Franca i ofroi mbështetje Izraelit pas një sulmi vdekjeprurës nga grupi islamik palestinez Hamas më 7 tetor, por bombardimet hakmarrëse të Izraelit kanë ngjallur shqetësim për një rritje të viktimave civile. Mijëra njerëz në Gaza janë vrarë, plagosur ose zhvendosur, transmeton Telegrafi.
“Nuk është sekret që sot në Gaza, është vështirësuar qasja në nevojat themelore, ilaçet, ujin e kështu me radhë. Prandaj, qëllimi është në të vërtetë të punohet me të gjithë pjesëmarrësit, dhe gjithashtu me Izraelin për të siguruar qasje më të mirë”, tha një bashkëpunëtor i presidentit francez për gazetarët përpara konferencës për shtyp.
I pranishëm do të jetë kryeministri palestinez Mohamad Shtayeh, por Izraeli nuk është ftuar. Zyrtarët francezë thanë se po mbanin Tel Aviv të informuar për zhvillimet.
Konferenca mbledh së bashku aktorë rajonalë si Egjipti, Jordania dhe shtetet arabe të Gjirit, si dhe vendet perëndimore dhe anëtarët e grupit G20, me përjashtim të Rusisë.
Institucionet ndërkombëtare dhe organizatat joqeveritare që veprojnë në Gaza, si Mjekët pa Kufij, do të marrin pjesë gjithashtu në këtë aktivitet.
Megjithatë, do të vijnë vetëm disa kryetarë shtetesh apo ministra, e organizatat joqeveritare ankohen për presionin e pamjaftueshëm që mund të ushtrojë konferenca për të arritur një armëpushim.
“Do të jetë një ushtrim për të përsëritur qëndrimet kombëtare, duke deklaruar se çfarë ka dhënë dhe çfarë do të japë secili vend, se civilët duhet të mbrohen dhe të respektohet ligji ndërkombëtar humanitar”, tha një diplomat evropian.
Zyrtarët francezë shpresojnë se konferenca do të shërbejë si bazë për një reagim të shpejtë nga komuniteti ndërkombëtar sapo të ndalojnë luftimet.
Rivendosja e furnizimit me ujë, karburant dhe energji elektrike do të diskutohet dhe do të sigurohet që ndihma të mos përfundojë në duart e Hamasit.
Gjithashtu do të diskutohet krijimi i një korridori detar për dërgimin e ndihmave humanitare në Gaza nga deti, dhe mënyrat se si mund të përdoren anijet për evakuimin e të plagosurve.
Megjithatë, pa vullnetin e Izraelit apo Hamasit për të pushuar luftimet, ka pak perspektivë për përparim të shpejtë. /Telegrafi/
Promo
Reklamo këtuLufta Prigozhin - Putin
Më shumëKush është lideri 28-vjeçar i ekstremit të djathtë që mund të bëhet kryeministër i Francës?
Ky është plani i ri i Gjermanisë në rast të një lufte në Evropë – me kërcënimet në rritje nga Rusia
KS i OKB-së miratoi një rezolutë amerikane që mbështet marrëveshjen e armëpushimit Izrael-Hamas
Hamasi mirëpret votimin e KS të OKB-së për armëpushim në Gaza
Njëri po fillonte fluturimin, tjetri po ateronte - momenti kur dy aeroplanë pothuajse u përplasën me njëri-tjetrin në pistën e aeroportit të Mumbait
Dita më vdekjeprurëse e Putinit, mbi 1,200 trupa ruse të vdekur në vetëm 24 orë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çmenduria që po synon ta bëjë Man City me Fodenin ka "frikësuar" edhe Real Madridin
Po largohet nga Real Madridi "krahu i djathtë" i Ancelottit
Ky është plani i ri i Gjermanisë në rast të një lufte në Evropë – me kërcënimet në rritje nga Rusia
Pique ka publikuar llogarinë bankare për të treguar se si duket paga e një futbollisti të nivelit elitar
Çfarë dihet deri më tani rreth zgjedhjeve për Parlamentin e ri Evropian?
AMP