Pijet mund të jenë plot me aditivë dhe sheqer. Duke pasur shëndetin në rend të parë, në vijim janë disa nga opsionet që preferohet të shmangen, sipas ekspertëve.
Pijet para stërvitjes dhe pijet energjike
Kylie Ivanir, një dietologe e regjistruar me bazë në New York, ka thënë se pijet para stërvitjes dhe pijet energjike mund të çojnë në “rritje të presionit të gjakut, stres dhe gjumë të komprometuar”, pasi ato përmbajnë kafeinë dhe stimulues të tepërt.
“Efektet e tjera anësore të stimuluesve të tepërt që gjenden në pijet para stërvitjes dhe ato energjike janë dhimbja e kokës dhe të përzierat”, ka thënë për Fox News Digital.
“Pijet para stërvitjes dhe ato energjike përmbajnë gjithashtu ëmbëltues dhe shije artificiale, të cilat prishin shëndetin e zorrëve dhe shëndetin e trurit”, ka shtuar ajo duke kërkuar zëvendësimin e tyre me kafe ose çaj matcha.
Kokteje të ëmbla alkoolike
Kombinimi i alkoolit dhe shurupit të fruktozës, i cili ndonjëherë gjendet në kokteje, nuk është i mirë për mëlçinë. Sipas Ivanir, ky kombinim komprometon aftësinë e mëlçisë për të filtruar toksinat dhe parandalon shndërrimin e fruktozës në glukozë.
Si rezultat, detoksikimi është i vështirë. Fruktoza e tepërt ruhet si yndyrë, e cila më pas mund të shkaktojë një rritje të triglicerideve, një nga fajtorët në zhvillimin e sëmundjes së mëlçisë yndyrore – ka shpjeguara ajo.
Pijet e gazuara
Pijet e gazuara janë të mbushura me sheqer të shtuar, ndaj dietologët i këshillojnë njerëzit që dëshirojnë flluska të zgjedhin ujin mineral, duke i shtuar një shtrydhje limoni ose portokalli për aromë.
Çaji i ftohtë
Çajet e ftohta në shishe komerciale mund të përmbajnë të njëjtën sasi sheqeri sikurse lëngjet. Konsumimi i tepërt i pijeve të ëmbla, si çaji i ftohtë, lidhet me zhvillimin e sindromës metabolike dhe diabetin e tipit 2.
Pije të ëmbëlsuara artificialisht
Dietologët pohojnë se hulumtimet kanë treguar se ëmbëltuesit artificialë, si aspartami dhe sukraloza, prishin mikrobiomën dhe dëmtojnë shëndetin e zorrëve.
‘Koktej’ lëngjesh
Ndonjëherë, lëngjet e përziera me aditivë shënohen me fjalën “koktej” në etiketën e tyre.
“Kjo është një fjalë kyçe për t’u kujdesur në dyqanet ushqimore. Fjala ‘koktej’ tregon se një lëng përzihet me sheqer të shtuar. Sheqeri i shtuar është i panevojshëm dhe shton kalori shtesë në ditën tuaj”, është shprehur nutricionistja Amy Gorin, duke këshilluar që të blini “lëng frutash 100 për qind”.
Frappuccino
Me sa duket, konsumimi i frappuccinos (pije e ftohtë me bazë kafeje ose kremi, e përzier me akull dhe përbërës të tillë, si shurupe me shije dhe zakonisht të mbushura me krem pana dhe erëza) thjesht nuk ia vlen për shëndetin tuaj.
“Frapuccinos dhe pijet e tjera të ëmbla të kafesë, përmbajnë atë që unë e quaj ‘yndyra të ëmbla’… Kjo çon në ruajtjen e tepërt të yndyrës për shkak të rritjes së hormonit të insulinës”, ka deklaruar Ivanir duke sqaruar se produktet e tilla mund të çojnë në rezistencë ndaj insulinës dhe nivele më të larta të lipideve dhe përfundimisht në sindromën metabolike.
Late të ngrira
“Kjo pije mund të përmbajë më shumë sheqer sesa një kanaçe kokakole, siç është rasti me late karamel që gjendet në disa biznese”, është shprehur Jinan Banna, një dietologe e regjistruar dhe profesoreshë e të ushqyerit në Universitetin e Havait.
“Pijet e ëmbëlsuara të kafesë janë identifikuar si një artikull në dietë që jep një kontribut të dukshëm në marrjen e sheqerit të shtuar”, ka thënë ajo. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Tri biseda që çdo çift i martuar duhet t’i bëjë për jetën seksuale
Pitbulli, stafordi dhe rotvajleri pa të drejtë akuzohen: Këto janë tri racat më të rrezikshme të qenve!
Një natë në këtë hotel kushton 19 mijë euro. Këtu flini, hani dhe pini me kafshët e detit
Tri biseda që çdo çift i martuar duhet t’i bëjë për jetën seksuale
Si t'i largoni përgjithmonë 'bubrecat'? Provoni metodën me këto produkte shtëpiake
Pitbulli, stafordi dhe rotvajleri pa të drejtë akuzohen: Këto janë tri racat më të rrezikshme të qenve!
Vetëm kështu do të lani xhupin me pendla në shtëpi, por që të mos prishet
Femrat problemet i zgjidhin me bisedë, ndërsa meshkujt me seks
Mënyra të thjeshta për të shkrirë dhjamin e barkut pa ushtrime
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë