Ofertë prej 20 milionë eurove në vit nga Arabia, David Alaba merr vendim për të ardhmen e tij

David Alaba ka marrë një ofertë shumë të lartë financiare nga Arabia Saudite.

Skuadra arabe Al Ittihad e cila ka transferuar yje të mëdhenj si Karim Benzema, N’Golo Kante e Fabinho ka tentuar afrimin e mbrojtësit austriak të Real Madridit.

Al Ittihad i ka dërguar ofertë Alabas prej 20 milionë euro në vit, derisa ishte e gatshme të paguante te Reali deri në 65 milionë euro për qendërmbrojtësin austriak.

🚨 Al-Ittihad offered David Alaba a €20M-a-year contract this summer but he immediately REFUSED. 🇸🇦❌

(Source: @JorgeCPicon) pic.twitter.com/J2Vg5N6DD8

— Transfer News Live (@DeadlineDayLive) September 5, 2023

Megjithatë Alaba ka marrë vendimin përfundimtar për të ardhmen e tij, duke refuzuar këtë ofertë fitimprurëse.

Mediat e ndryshme në Spanjë kanë raportuar se Alaba është i lumtur në Santiago Bernabeu dhe nuk i ka bërë përshtypje oferta nga skuadra arabe.

Lexo po ashtu Arabia Saudite po përgatit ofertë të majme për Alaban

31-vjeçari dëshiron t’i qëndroj besnik madrilenëve të cilët kanë nevojë të madhe për të në mbrojtje sidomos pas lëndimit të Eder Militaos.

Alaba është që dy vite pjesë e Los Blancos dhe ai ka fituar Ligën e Kampionëve, Kupën e Botës për klube, Superkupën e Evropës dhe titullin e kampionit në Spanjë me klubin mbretëror. /Telegrafi/