Kryetari i Komunës së Suharekës, Bali Muharremaj, ka folur për arrestimin e Enver Shabanit, drejtor i Shërbimeve Publike në Suharekë dhe Berat Kabashit, zyrtar i kësaj komune, duke thënë se beson që nuk ka shanse t’i jetë shkaktuar dëm 74 mijë euro komunës me të cilën ai udhëheq, madje as 7 euro.
Muharremaj tha se nuk ka asnjë lajm zyrtar për këtë çështje, por vetëm është informuar nga mediet.
“Njëherë më së pari, qysh jeni informu ju jam informuar edhe unë, përmes portaleve dhe gazetave. Nuk kam asnjë lajm zyrtar edhe unë si kryetar i Komunë as 74 mijë euro, as 700 euro, as 70 euro nuk janë dëm të Komunës, kaq di me ju thanë. Edhe njëherë po them, nuk ka shancë as 74 mijë, as 7 mijë, as 700, as 7 euro, kaq”, tha Muharremaj, për “Betimi për Drejtësi”.
Muharremaj tha se janë të hapur të bashkëpunojnë me organet e drejtësisë dhe se në rast se dy zyrtarët kanë keqpërdorur detyrën, do të ballafaqohen me veprimet e tyre.
“E në qoftë se është hangër pitja, tepsia është aty. Ky është mendimi jem si kryetar i Komunës. Ne zbatojmë ligjet që janë në fuqi, këto janë organet e shtetit të Republikës së Kosovës, jemi të hapur me ta 24 orë, e kemi obligim dhe vazhdojmë me punu. Ata janë kanë dyshues, por unë po them që nuk ka shanse”, shtoi kryetari.
Ndryshe, në aktvendimin për fillimin e hetimeve ndaj dy zyrtarëve të lartpërmendur, të cilin Prokuroria Themelore në Prizren, Departamenti i Krimeve të Rënda e ka marrë ndaj Shabanit dhe Kabashit, thuhet se të njëjtit prej 18 majit 2022 deri më 12 dhjetor 2022, në Suharekë në cilësi të personave zyrtarë dhe atë Berat Kabashi në cilësinë e menaxherit të kontratës dhe Enver Shabani në cilësinë e mbikëqyrësit të drejtpërdrejtë të menaxherit të kontratës, duke shfrytëzuar detyrën apo autoritetin e tyre zyrtar nuk i përmbushin detyrat zyrtare të tyre me qëllim që të përfitojnë çfarëdo dobie për vete dhe për personat tjerë, të njëjtit me dashje shkelin Ligjin e Prokurimit Publik.
Sipas vendimit, Shabani dhe Kabashi me dashje nuk kanë kryer detyrat e domosdoshme të përcaktuar me ligj, në atë mënyrë që me vendimin 01-Nr.016-29186 të datës 18 maj 2022 të lëshuar nga Kryetari i Komunës së Suharekës, caktohen në menaxhimin e kontratës me titull “ndërtimi i rrugëve: “Rexhepi Velia-me segment”, “Molika”, “Shaljanët – segment”, “Kovaçi”, “Tafa”, “Jetush Shala” dhe “Haxhi Shania” në fshatin Mushtisht”, mirëpo nga informatat e siguruara dhe verifikimit të të njëjtave është konstatuar se të hollat janë paguar për operatorin ekonomik, mirëpo rrugët nuk janë shtruar siç parashihet në kontratë.
Për këto veprime, në vendim thuhet se të njëjtit Komunës së Suharekës, i kanë shkaktuar dëm në shumën prej 74 mijë e 214 euro e 74 centë.
Me këtë, dyshohen se kanë kryer veprën penale “Keqpërdorimi i pozitës apo autoritetit zyrtar” nga neni 414, par.3, nënpar.3.1 dhe 3.2 lidhur me par. 2 dhe 1. lidhur me nenin 31 të Kodit Penal. /BetimipërDrejtësi/
Promo
Reklamo këtuLufta Prigozhin - Putin
Më shumëNga Rubrika
Osmani ia dhuron flamurin e Kosovës kryetarit të qytetit Wylie, përurohet edhe pllaka me emrin e Nënë Terezës
Pushojnë hetimet ndaj tre zyrtarëve komunalë të Prishtinës, Rama e quan fitore të drejtësisë
Gara për Parlamentin Evropian, Emma Bonino mbështet fuqishëm kandidatin shqiptar, Muharrem Salihu
Ramadani “dekonspiron” regjisorin serb: Po mundohet ta përgatisë opinionin perëndimor për planet serbe ndaj Kosovës
Edhe Haradinaj ia kthen letrën Kurtit: Kuvendi është përgjegjësi e Besnik Tahirit, për tema tjera takohemi në një moment tjetër
Shqipëria dhe Serbia kandidojnë së bashku për organizimin e EURO 2027, Berisha: Akt i pastër antishqiptar i Edi Ramës
Draft-statuti për Asociacionin a mund të dërgohet për "vlerësim" në Gjykatën Kushtetuese?
Presidentja me foto simbolike nga vizita në Teksas
Kurti i ftoi liderët e opozitës në darkë pune, i përgjigjet Abdixhiku: Jeni vonë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë