Humbja e nuhatjes mund të paralajmërojë një sëmundje serioze në të ardhmen
Humbja e shqisës së nuhatjes mund të jetë një shenjë paralajmëruese e sëmundjes së ardhshme të Alzheimerit, sipas një studimi të fundit të botuar në Neurology, revistën mjekësore të Akademisë Amerikane të Neurologjisë.
Ata që bartin gjenin APOE4 kanë një rrezik më të lartë të zhvillimit të sëmundjes Alzheimer dhe humbjes së aftësisë për të zbuluar erërat – tregojnë gjetjet.
“Testimi i aftësisë së një personi për të zbuluar aromat mund të jetë një mënyrë e dobishme për t’i parashikuar problemet e ardhshme njohëse”, ka thënë autori i studimit Matthew S. GoodSmith nga Universiteti i Chicagos, në një artikull në revistë që raportonte rezultatet e kërkimit.
“Megjithëse nevojiten më shumë kërkime për të konfirmuar këto gjetje dhe për të përcaktuar se çfarë niveli i humbjes së nuhatjes do të parashikonte rrezikun e ardhshëm, këto rezultate mund të jenë premtuese, veçanërisht në studimet që synojnë të identifikojnë njerëzit në rrezik të demencës në fillim të sëmundjes”, ka shtuar ai.
Në studim, më shumë se 865 pjesëmarrës përfunduan dy anketa në shtëpi, të marra pesë vjet larg, që matën aftësinë e tyre për të zbuluar dhe njohur aromat. Në të njëjtat intervale, ata bënë edhe teste aftësish për të vlerësuar kujtesën dhe funksionin e tyre njohës.
Pjesëmarrësit dhanë gjithashtu mostra të ADN-së në mënyrë që studiuesit të mund të përcaktonin nëse ata mbanin gjenin APOE4. Ata që kishin variantin e gjenit kishin 37 për qind më pak gjasa të zbulonin erërat, në krahasim me ata që nuk e kishin.
Reduktimi i nuhatjes u vu re fillimisht midis moshës 65 dhe 69 vjeçare. Ky grup gjithashtu tregoi një “rënie më të shpejtë në aftësitë e tyre të arsyetimit” – thuhet në gjetjet e studimit.
Olfaksioni, ose ndjenja e nuhatjes, bie me plakjen normale. Megjithatë, deri më sot ka shumë studime që tregojnë një rënie të hershme të shqisës së nuhatjes në sëmundjet neurodegjenerative, si sëmundja e Alzheimerit, sëmundja e Parkinsonit dhe demenca frontotemporale.
Megjithëse gjeni APOE4 është një faktor rreziku për zhvillimin e sëmundjes Alzheimer, jo të gjithë njerëzit me këtë gjen do të zhvillojnë demencë. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Ndjehen lëkundje toke në Kosovë
Kërkesa e çuditshme që ka bërë Mbappe për t’u transferuar tek Real Madridi
Mbappe shpallet më i miri në Francë – Zhegrova mbetet pa çmim dhe jashtë formacionit të vitit
Kurti i gatshëm për zgjedhje, kërkon konsensus me partitë opozitare
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Pjesë e Big Brother VIP Kosova? Luiz Ejlli befason me përgjigjen