Një simptomë e pazakontë e depresionit mund të zbulohet gjatë ngrënies ose gatimit

Depresioni është një sëmundje mendore e karakterizuar nga disponim i vazhdueshëm i ulët. Përveç kësaj, ka simptoma të shumta me anë të të cilave mund të zbulohet kjo gjendje, ndërsa një të tillë të pazakontë mund ta kuptoni gjatë ngrënies ose gatimit.

Një simptomë befasuese që mund të vihet re është kur jeni duke bërë darkën. Kjo është hiposmia ose ndjenja e dobësuar e nuhatjes. Në të kaluarën, hiposmia ka qenë e lidhur me sëmundjen e Alzheimerit dhe forma të tjera të demencës.

Studiuesit nga ‘Johns Hopkins Medicine’ kanë zbuluar se ndjenja e dobët e nuhatjes është shenjë e depresionit te të moshuarit. Ata zbuluan gjithashtu se depresioni përkeqësohet ndërsa ndjesia e nuhatjes përkeqësohet.

Lexo po ashtu Mungesa e vitaminës D mund të dallohet nga nuhatja dhe shija

Aroma është një mënyrë e rëndësishme për të ndërvepruar me botën përreth nesh dhe ky studim tregon se mund të jetë një shenjë paralajmëruese për depresionin.

Studimet kanë treguar se femrat vuajnë nga depresioni dy herë më shpesh se meshkujt, por ato kanë më shumë gjasa të kërkojnë trajtim. Rreth 15 për qind e femrave marrin terapi, krahasuar me vetëm shtatë për qind të meshkujve me këtë gjendje.

Një studim i ri, i botuar në Journal of Gerontology: Medical Sciences, analizoi se si aroma mund të lidhet me depresionin. Studiuesit shikuan të dhënat nga 2.125 njerëz midis moshës 70 dhe 73 vjeçare gjatë një periudhe tetëvjeçare.

Lexo po ashtu Tri mënyra të thjeshta për të mbrojtur shikimin, nuhatjen dhe dëgjimin për të rritur shëndetin e trurit

Në fillim të studimit, 28 për qind e pjesëmarrësve treguan një ndjenjë të reduktuar të nuhatjes (hiposmia) dhe 24 për qind të tjerë treguan humbje të shqisës (anosmia). Gjatë periudhës së ndjekjes, një e katërta (25 për qind) zhvilluan simptoma të rëndësishme depresive.

Analiza e mëtejshme zbuloi se ata me një ndjenjë të reduktuar të nuhatjes në fillim të studimit kishin më shumë gjasa të përfundonin me depresion. Studiuesit sugjerojnë se zona nuhatëse e trurit, e cila përpunon aromat dhe pjesa përgjegjëse për emocionet janë të lidhura ngushtë. /Telegrafi/