Ylli i “Charlie’s Angels”, Kate Jackson shihet për herë të parë në 14 vjet në një dalje publike

Jaclyn Smith ndau një video në Instagram nga dasma e djalit të saj 41-vjeçar Gaston Richmond me Bonnie Lane.

77-vjeçarja tregoi ceremoninë e bukur që u zhvillua në oborrin e shtëpisë së saj në Beverly Hills.

Dhe në fund të klipit të saj ajo u pa duke pozuar me aktoren e “Charlie’s Angels”, Kate Jackson.

Kate, 74 vjeç, nuk është parë në publik për rreth 14 vjet. Një nga herët e fundit që ajo u fotografua ishte në funeralin e aktores së “Charlie’s Angels”, Farrah Fawcett në Los Angeles në vitin 2009.

Jackson dukej e zbukuruar dhe rinore në prerjen e saj të flokëve në stilin ‘bob’ teksa i shtoi pamjes syze dielli. Veshja e saj ishte me një xhaketë sportive ngjyrë bezhë mbi një këmishë të kaltër me pantallona të gjera të bardha, shkruan DailyMail.

Kate, emri i plotë i të cilës është Lucy Kate Jackson, është një aktore e njohur për rolin e saj televiziv ‘Sabrina Duncan’ në serialin “Charlie’s Angels” i cili u transmetua nga 1976 deri në 1981.

Gjithashtu pjesë e serisë ishte të ndjerat Farrah Fawcett, Tanya Roberts, Shelley Hack dhe Cheryl Ladd.

“Charlie’s Angels” është një seri televizive dramatike kriminale që u transmetua në ABC nga 22 shtator 1976 deri më 24 qershor 1981.

Ishte një serial masiv hit me pesë sezone dhe 115 episode. Dhe ende vazhdon ritransmetohet.

Seriali përshkruan aventurat e luftimit të krimit të tre grave që punojnë në një agjenci private detektivësh në pronësi të Charlie.

Treshja e parë ishte Jackson, Fawcett dhe Smith. Pasi Jackson u largua, serisë iu bashkua Shelley Hack, më pas ajo u zëvendësua nga Tanya Roberts.

“Charlie’s Angels” krijoi një ekskluzivitet mediatik me një seri filmash të nisur në vitin 2000, i cili është një vazhdim i historisë së serialit me gjeneratat e mëvonshme të Engjëjve. Një ringjallje televizive e serialit u transmetua në vitin 2011, por u anulua pas shtatë episodeve.

Kate gjithashtu luajti personazhin e ‘Amanda King’ në serialin hit “Scarecrow And Mrs King”. Rolet e saj në film përfshijnë “Making Love” dhe “Loverboy”.

Ajo u martua dy herë: me Tom Hart nga viti 1991 deri në 1993, dhe më parë me David Greenwald nga viti 1982 deri në 1984. Aktorja kishte një lidhje të gjatë me yllin e “Butterflies Are Free”, Edward Albert.

Jackson ka një fëmijë, djalin Charles Taylor. /Telegrafi/