Putin i gatshëm të nis bisedimet e paqes me Ukrainën, por territoret e aneksuara nuk dëshiron t’i rikthej

Është e paqartë nëse është strategji e qëllimshme apo jo, por një temë duket se po shfaqet në deklaratat publike të Vladimir Putinit – ai pretendon se është i gatshëm t’i jap fund luftës, por ajo po pengohet nga Kievi.

Presidenti rus ka përsëritur qëndrimin e Moskës se është gatshme për bisedime të paqes, por se Ukraina po refuzon një gjë të tillë, raporton skynews.

Lexo po ashtu Pas Erdoganit, Putinin e poshtëron edhe presidenti i Egjiptit

Putin iu përgjigj komenteve të kryetarit të Komisionit të Bashkimit Afrikan (AUC), Moussa Faki Mahamat, i cili tha në një samit Rusi-Afrikë në Shën Petersburg se “AUC i kushton shumë rëndësi integritetit dhe sovranitetit të shteteve” dhe “zgjidhjes paqësore të krizave përmes kompromisit”.

Kievi ka thënë se nuk është i përgatitur të hyjë në negociata me Rusinë, ndërsa vendi, i cili filloi një pushtim të plotë 17 muaj më parë, kontrollon një të pestën e territorit ukrainas.

Rusia ka thënë vazhdimisht se çdo bisedim duhet të marrë parasysh “realitetin e ri” të krijuar në terren.

Ndryshe, Ukraina ka paraqitur një plan të paqes muaj më pare që parasheh largimin e tërësishëm të shtetit rus dhe rikthimin e territoreve të aneksuara prej Rusisë. /Telegrafi/