Organizata e Veteranëve të Luftës së Ushtrisë Çlirimtare të Kosovës ( OVL e UÇK) ka paralajmëruar protesta, jo vetëm për shkak të incizimeve të publikuara së fundi mes shefes së Grupit Parlamentar të Vetëvendosjes, Mimoza Kusari-Lila dhe shefit të Grupit Parlamentar të Listës Serbe, Sllavko Simiq, por edhe ndaj pakënaqësive që kanë ndaj Qeverisë së Kosovës.
Kështu tha në një prononcim për Telegrafin ushtruesi i detyrës së kryetarit të Organizatës së Veteranëve të UÇK-së, Faton Klinaku.
Sipas tij, Qeveria aktuale e Kosovës nuk po mban asnjë kontakt me OVL e UÇK-në, duke mos i thirrur as në takime.
Ai po ashtu tha se Qeveria e Kosovës nuk është duke iu dhënë vërtetime veteranëve për të marrë beneficionet e tyre.
“Jo vetëm për rastin e incizimeve por, edhe për shkak të kësaj qeverie që një vit e gjysmë as nuk kemi takime, e as nuk bashkëpunon. Dhe çështja e zyrës që e kanë atje për veteran, invalid e familje të dëshmorëve të cilët i maltretojnë që gati 2 vjet prej që janë në qeveri nuk po ju japin vërtetime njerëzve duke u arsyetuar për një shkronjë dhe po i lënë njerëzit dhe pa beneficione, e për shumë çështje tjera”, ka thënë ai.
Klinaku gjithashtu shprehu shqetësimin e tij se edhe bashkëshortet e veteranëve që nuk jetojnë më nuk janë duke i gëzuar beneficionet e burrave të tyre.
“Prej që ka ardh kjo qeveri kategorive të dala nga lufta ju ka bo probleme njerëzve dhe nuk ju kanë dhënë vërtetime, duke ju thënë që ‘shko merre dosjen në prokurori’. Ndërsa ata më herët që kanë qenë i kanë pas të dhënat dhe vërtetimet sepse është banale me i thënë që një shkronjë e ke gabim kur personi e ka letërnjoftimin dhe identifikohet me numër identifikues. Ka me qindra bashkëshorte të veteranëve që kanë vdekur, që duhet me gëzu beneficionet e bashkëshortëve të vdekur…me siguri e kanë qëllimin që me ua zvogëlu sa më shumë pensionet..”, tha ndër të tjera Klinaku.
Ai po ashtu foli edhe për audio-incizimin, për të cilin tha se e kanë potencuar vazhdimisht edhe nëpër protesta të tyre, që LVV janë koordinuar me Listën serbe për Ligjin e pagave.
“Ne vazhdimisht e kemi thënë kur kemi protestu që këta në atë kohë rreth ligjit janë dakordu me Listën serbe për veteranët. Ne e kemi thënë vazhdimisht që Lista serbe vetëm e ka votu që me i heq veteranët nga paga minimale dhe e kanë lëshuar sallën dhe s’ka ardh në seanca më…”, u shpreh ai.
I pyetur se kur pritet që të organizojnë një protestë të paralajmëruar, ai tha: “se kemi përcaktuar se kur do të protestojmë, pasi duhet të mblidhet Këshilli drejtues. Nesër do ta takojë kryesinë”, tha Klinaku.
Ai gjithashtu tha Prokuroria duhet t’i marr në pyetje Kusari-Lilën dhe Simiqin pasi siç u shpreh ‘po mbajnë kontakte me Millan Radoiçiqin”.
“Më e keqja e gjithë kësaj është që prokuroria nuk po i merr në pyetje Kusari-Lilën dhe Simiqin që mbajnë kontakte me Radoiçiqin i cili është i ndjekur nga shteti i Kosovës. Bile me pas prokurori serioze duhet me iu ngrit dhe padi, se me siguri Mimoza Kusari-Lila dhe Sllavko Simiq e dinë edhe vendndodhjen e Radoiçiqit”, tha Klinaku. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Analistët: Pahor e njeh rajonin, por si emisar i BE-së s’mund ta “transformojë” dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
“Mysafiri i paftuar në Galatsi”: Mes kritikash dhe akuzash, si u pasqyrua vizita e Ramës në Athinë nga mediat greke
Momenti kur Edi Rama i përkulet shqiptarëve në Greqi
Rrëfimi i fotografit shqiptar të 'Al Jazeera': Si i dokumentoi krimet e luftës në Kosovë përmes fotografive
Mbushet stadiumi në Greqi me shqiptarë, Rama: Jeni bota
Euroactiv: Fillim i ri për dialogun Kosovë-Serbi pas zgjedhjeve europiane?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron