Leipzig zbuloi kushtet për shitjen e Gvardiol: Man City larg asaj çfarë kërkohet

Këtë verë, Josko Gvardiol pritet të bëjë transferimin më të madh të karrierës së tij dhe njëkohësisht transferimin më të madh në historinë e futbollit kroat. Mbrojtësi 21-vjeçar është një objektiv i kampionit aktual të Evropës, Manchester City, por RB Leipzig është një negociator shumë i ashpër për momentin.

“Skuadra gjermane bëri të ditur sërish atë që kërkon nga City, që është minimumi 100 milionë euro. Ata nuk do të pranojnë 75 apo 80 milionë euro plus bonuse. City nuk do të japë 100 milionë euro të garantuara, por dëshiron të përfshijë bonuse.

Negociatat po vazhdojnë dhe Gvardiol tashmë ka thënë se dëshiron të shkojë në City”, raporton Fabrizio Romano në kanalin e tij në YouTube dhe profilin e Tëitter, duke shtuar se negociatat po përparojnë pozitivisht, por oferta e Cityt prej 75 milionë plus bonuse u refuzua.

Lexo po ashtu Pas marrëveshjes personale me Gvardiol, Man City përgatit ofertën për RB Leipzig

Nëse City paguan 100 milionë euro për mbrojtësin, ai do të bëhet më i shtrenjtë në historinë e futbollit. Rekordi aktual është Harry Maguire, të cilin Manchester United e pagoi 87 milionë euro te Leicester City.

Gvardiol u transferua te Leipzig dy vite më parë nga Dinamo me një dëmshpërblim prej 18.8 milionë euro. Sipas kontratës me Leipzigun, Dinamo merr 20 për qind të fitimeve të Leipzigut kur ai transferohet në një klub të tretë.

Nëse Leipzig do ta shiste për 100 milionë euro, aq sa kërkojnë sipas informacioneve të fundit, nga ai transferim do të fitonin 81.2 milionë euro krahasuar me investimin te Gvardiol. Dinamo do të merrte 20 për qind të asaj shume, që është rreth 16.4 milionë euro. Prandaj kampioni kroat shpreson në një transfertë më të madhe, për të fituar më shumë. /Telegrafi/

Manchester City have scheduled new round of talks to make decisive steps on Joško Gvardiol deal. It’s expected to take place next week. 🚨🔵🇭🇷 #MCFC

Negotiations continue as initial approach for €75m plus add-ons fee has been rejected. Leipzig want at least €100m. pic.twitter.com/UOFTzWabjG

— Fabrizio Romano (@FabrizioRomano) July 9, 2023