Arda Guler i vendosi dy kushte për të nënshkruar me Real Madridin

Talenti madh turk, Arda Guler u prezantua gjatë të premtes si lojtar i ri i Real Madridit, por kishte disa kushte para se të pranonte ofertën e Los Blancos.

E premtja ishte e rezervua për sensacionin turk që u prezantua në objektet e Real Madridit në një konferencë të mbushur me pyetje nga gazetarët.

“Siç e thashë më parë, këtu më kanë siguruar që do të luaj dhe kjo çështje ka mbaruar. Huazimi nuk është në planet e mia”, u përgjigj Guler në konferencë.

Lexo po ashtu “Dua të jem një legjendë e Real Madridit”, Arda Guler prezantohet me fanellën me numër 24

Ishte hera e katërt që e kishin pyetur në më pak se tre minuta, kështu që ai e zgjidhi çështjen se ku do të luajë sezonin e ardhshëm.

Megjithatë, mediat në Spanjë kanë zbuluar se fantazisti 18-vjeçar turk kishte vendosur dy kushte për t’u nënshkruar me Real Madridin.

Lexo po ashtu Arda Guler flet për refuzimin e Barcelonës, idhujt e tij, pozitën e preferuar dhe shumëçka tjetër

Sipas gazetës Marca, Guler dhe familja e tij kishin marrë vendimin për të nisur një fazë të re larg Turqisë dhe kishin vënë dy kushte të patjetërsueshme.

Kushti i parë ishte të mos qëndronte në Fenerbahce për të luajtur si huazim edhe një sezon, dhe i dyti ishte të bëhej pjesë e ekipit të parë në ekipin që e ka nënshkruar. Pra, nuk ka huazime. /Telegrafi/