E konfirmuar, Dzeko në Stamboll për të kryer testet mjekësore dhe për të nënshkruar me Fenerbahcen

Klubi i madh turk, Fenerbahce ka njoftuar zyrtarisht transferimin e sulmuesin Edin Dzeko, i cili do të nënshkruaj pasi të përfundoj me sukses testet mjekësore.

Dzeko ka vendosur të mos rinovoj kontratën e tij me Interin pas skadimit të saj në fund të këtij muaji.

Boshnjaku 37-vjeçar ka vendosur ta provoj edhe një aventurë të re, duke pranuar ofertën e klubit turk, Fenerbahce.

“Sulmuesi me famë botërore Edin Dzeko do të vijë në Stamboll për të kaluar kontrollet shëndetësore dhe për të përfunduar negociatat e transferimit”, thuhet në njoftimin e klubit turk.

Bilgilendirme

Dünyaca ünlü golcü Edin Dzeko sağlık kontrollerinden geçmek ve transfer görüşmelerini tamamlamak üzere İstanbul’a gelecektir.

Kamuoyunun bilgisine sunarız.

Fenerbahçe Spor Kulübü pic.twitter.com/MH8o5cEEMM

— Fenerbahçe SK (@Fenerbahce) June 22, 2023

Sipas mediave turke, Dzeko do të kryej kontrollet shëndetësore në orën 10:30 të mëngjesit të sotëm, ndërsa do të nënshkruajë kontratë 2-vjeçare.

Përveç kësaj, sulmuesi i njohur do të marrë një bonus nënshkrimi prej afërsisht 5 milionë euro, pagë vjetore prej 4.5 milionë euro dhe 1 milionë euro bonuse. /Telegrafi/