LAJMI I FUNDIT:

Inteligjenca gjermane po paralajmëron votuesit që të mos mbështesin të djathtën ekstreme AfD

Inteligjenca gjermane po paralajmëron votuesit që të mos mbështesin të djathtën ekstreme AfD

Ekstremizmi i të djathtë është kërcënimi më i madh për demokracinë gjermane dhe votuesit duhet ta kenë parasysh këtë përpara se të votojnë për partinë nacionaliste Alternativa për Gjermaninë (AfD), ka paralajmëruar Agjencia Inteligjencës (BfV).

AfD aktualisht ka 18 për qind deri në 20 për qind të votave në mbarë vendin dhe po bëhet gati për të fituar tre zona elektorale në lindje të Gjermanisë me një fushatë që përfshinë ndalimin e migracionit si dhe frenimin e saj.


Shefi i BfV-së, Thomas Haldenwang thotë se partitë e ekstremit të djathtë po fitojnë fuqi dhe terren në të gjithë Evropën, por se ngritja e AfD-së është veçanërisht e ndjeshme në Gjermani, për shkak të së kaluarës naziste të vendit.

“Pjesë të AfD-së përhapin urrejtje dhe agjitacion kundër të gjitha pakicave në Gjermani, veçanërisht emigrantëve dhe promovojnë një qëndrim anti-semitik”, tha Haldenwang në një konferencë për medie.

Ndikimi i Kremlinit

Haldenwang vuri në dukje se pjesë të AfD janë gjithashtu “të ndikuara shumë nga Kremlini dhe vazhdojnë të përhapin narrativat dhe propagandë ruse, veçanërisht në lidhje me luftën në Ukrainë”.

“Unë mendoj se të gjitha këto janë rrethana që votuesit gjermanë duhet të kenë parasysh kur marrin vendimin e tyre”, ka shtuar ai.

AfD është kundërshtare e sanksionet ekonomike kundër Moskës, ndryshe nga partitë kryesore gjermane, duke përfshirë socialdemokratët në pushtet të kancelarit Olaf Scholz, të cilët mbështesin fuqishëm Ukrainën në luftën e saj kundër forcave ruse.

Raporti BfD ka theksuar se numri i njerëzve të përfshirë potencialisht në aktivitetet e ekstremit të djathtë në Gjermani u rrit me 14.5 për qind në vitin 2022, ndërsa numri i aktivistëve që dëshirojnë të përdorin dhunë u rrit për disa mijë persona. /Telegrafi/