Alemany zbulon arsyen e qëndrimit te Barcelona

Drejtori i futbollit të Barcelonës, Mateu Alemany, ka bërë publik vendimin e tij për të qëndruar në klub dhe për të refuzuar një kalim në Aston Villa.

Alemany më parë deklaroi se sfida e një “projekti të ri profesional” ishte arsyeja e tij për të shkuar në Villa, për t’u bashkuar me Unai Emery në Ligën Premier.

Megjithatë, mes raportimeve se e ardhmja financiare e Villas është e pasigurt, Alemany bëri një kthesë, për të qëndruar në Kataluni në vitin 2023.

Pozicioni financiar i Barcelonës është gjithashtu në një gjendje të keqe, por tërheqja e qëndrimit në Camp Nou dhe vazhdimi i marrëdhënies së tij të fortë të punës me Xavin, ishte një faktor kyç në ndryshim.

“Unë jam shumë i qartë se vendi im është te Barça, klubi më i mirë në botë. Unë jam plotësisht i përkushtuar për të ndihmuar këtë projekt, i cili ka bërë një hap shumë të rëndësishëm.

“Aston Villa ka një projekt mbresëlënës dhe një nga trajnerët më të mirë në Evropë, por pas reflektimit personal, këtu dua të jem”.

“Shpresoj se në vitet e ardhshme do të vazhdojmë të bëjmë hapat për të dominuar sërish futbollin evropian”, ka shtuar më tej ai.

Alemany pritet të punojë ngushtë me Xavin në muajt e ardhshëm pasi dyshja synojnë të ndërtojnë një strategji transferimi me një buxhet të kufizuar. /Telegrafi/

Mateu Alemany explica su cambio de decisión y por qué se queda en el @FCBarcelona

"Después de una reflexión personal, mi sitio está aquí y estoy comprometido con este club"#LaLigaEnDAZN ⚽ pic.twitter.com/BwnT9USHMq

— DAZN España (@DAZN_ES) May 20, 2023