Xabi Alonso thyen heshtjen pas interesimit të Real Madridit dhe Tottenhamit

Trajneri i Bayer Leverkusenit, Xabi Alonso ka refuzuar një transferim të mundshëm te ish-klubi i tij, Real Madridi, si pasues i Carlo Ancelottit.

Sezoni i mrekullueshëm i Alonsos si trajner i Leverkusenit po ngre disa thashetheme për të ardhmen e tij në javët e fundit, veçanërisht në lidhje me Real Madridin dhe Tottenham Hotspurs.

Megjithatë, trajneri spanjoll si duket është i lumtur me jetën në Gjermani dhe nuk dëshiron të ndryshoj ambient për të marr drejtimin e ndonjërës prej skuadrave.

Lexo po ashtu Dalin emra të rinj që shihen si pasues të Ancelottit te Real Madridi

“Nuk jam i befasuar nga këto thashetheme sepse kam qenë një futbollist profesionist”, ka thënë fillimisht Alonso në konferencë për shtyp.

“Por mendja ime është 100 për qind për të përfunduar këtë sezon me Leverkusen dhe në sezonin e ardhshëm”, përfundoi spanjolli.

Lexo po ashtu Xabi Alonso është zgjedhja numër një për t'u bërë trajneri i ardhshëm i Tottenhamit

Londinezët janë të etur për të gjetur një trajner të ri pas largimit të Antonio Contes dhe shkarkimit të trajnerit të përkohshëm Cristian Stellini.

Nga ana e tyre, Los Blancos vazhdojnë të mbajnë disa fronte të hapura përballë dyshimeve për vazhdimësinë e Carlo Ancelottit. /Telegrafi/