Zbulohet klubi i ri potencial i Mason Greenwood, derisa te United ia synojnë numrin e fanellës

Klubi i ri i mundshëm i Mason Greenwood është zbuluar – me një ekip të madh të Serisë A që tregon interes për yllin e Man United.

Sulmuesi 21 vjeçar nuk ka luajtur për klubin e tij aktual që nga arrestimi i tij në janar të vitit 2022.

Ai ishte akuzuar për përdhunim, ndërsa ato ranë në fillim të këtij viti, por ekipi i tij po kryen hetimet e veta.

Lexo po ashtu Çfarë tha Greenwood për Cristiano Ronaldon para kthimit të tij në Manchester United

Sipas raportimeve, ai do të mbetet i pezulluar deri në fund të sezonit 2022/23 në Ligën Premier.

Të gjitha akuzat kundër futbollistit, duke përfshirë tentativën e përdhunimit, dëmtimin trupor dhe sjelljen shtrënguese ose kontrolluese, u tërhoqën nga Shërbimi i Prokurorisë së Kurorës në fillim të këtij muaji.

Ato akuza u tërhoqën, pasi 12 dëshmitarë, përfshirë gruan në qendër të akuzave, refuzuan të bashkëpunonin.

Klubi thuhet se ka refuzuar disa oferta nga klubet turke për lojtarin. Dhe tani është zbuluar se Milani ka bërë hetime për sulmuesin.

Klubi thuhet se vlerëson “aftësinë teknike” të 21-vjeçarit. Nëse Greenëood largohet nga United, numri i fanellës së tij do të jetë për t’u rrëmbyer – dhe një lojtar është gati ta marrë atë.

Lexo po ashtu Megjithëse Greenwood u pastrua nga të gjitha akuzat për sulm ndaj të dashurës, Manchester United mori vendim të rëndë për anglezin e ri

Daily Express raporton se ylli brazilian Antony mund ta trashëgojë fanellën. Anësori ka pasur vështirësi që kur u transferua në Old Trafford verën e kaluar, me tre gola dhe asnjë asistim në 17 ndeshje të ligës.

Një fanellë e re mund ta ndihmojë Antonyn të gjejë formën që i ka shpëtuar deri më tani këtë sezon. /Telegrafi/