Çdo 16 prill shumë qytetarë të Kosovës, rikthehen në Kukës, për të përkujtuar eksodin e 99-tës, ku gjetën mikpritjen bujarinë dhe zemrën e hapur për ta. Nën një simbolikë të veçantë, qindra qytetarë nga Kosova edhe në 24 vjetorin e “’Eksod 99” kanë kaluar kufirin Kosovë- Shqipëri për të mbërritur në Kukës. Ambasadori i Shqipërisë në Kosovë, Qemal Minxhozi e cilësoi Kukësin si lapidarin e mikpritjes shqiptare.
Shehide Hetemi e dhjetëra shqiptarë të Kosovës si çdo 16 prill, erdhën në Kukës, për të kujtuar ato ditë të tmerrshme të 24 viteve më parë kur u duhej të largoheshin nga banesat e tyre për t’i shpëtuar spastrimit etnik në Kosovë, nga ushtria serbe.
Me muzikë popullore e flamuj në duar, ata marshuan njëlloj si në eksodin e vitit 1999 nga kufiri mes dy vendeve deri në qendër të qytetit të Kukësit, ku gjetën mikpritjen, bujarinë dhe zemrën e hapur për ta.
“Në 99 kemi ikur prej lufte dhe kemi ardhur këtu në Kukës. Njëherë në këmbë e njëherë me traktorë. Këtu na kanë pritur shumë mirë. Faleminderit prej tyre. Me bukë, me fjetje. Na kanë ndihmuar me gjithçka. Vijmë për të kujtuar. Nuk jua harrojmë kurrë. Për ne janë vëllezër. Nga komuna e Lipjanit”, tha ish refugjatja, Shehide Etehmi për shqiptarja.com.
Tafil Cena nga fshati Bicaj, gjatë krizës ka ndihmuar 74 shtetas nga Kosova. Ai kujton se strehimi i tyre në atë kohë ishte i vështirë, por me mund e dëshirë thotë se ia doli.
“Jam Tafil Cena nga Bicaj. Kemi mbajtur shumë familje. Rreth 75 persona. Nga Zhuri e Suhareka. I kemi mbajtur me dëshirën tonë. Nga halli që kishin ata i kemi pranuar që të kalonin atë vështirësi. Ka qenë vështirë furnizimi me ushqime. I kemi mbajtur deri në çlirimin e Kosovës nga Nato. Nuk kishim shumë dhoma për fjetje. Pastaj me bukë na ndihmoi dhe shteti. Mbajmë kontakte të vazhdueshme me ata. Shkojmë ne atje, vijnë ata këtu. Mbaj mend dhe një plak të vjetër që ishte i gjakosur dhe që tregonte që me zor kishin shpëtuar. Ditë të vështira”, tha Tafil Cena.
Me shqiptarët e Kosovës që erdhën për të rikujtuar eksodin e 99, ishte edhe ambasadori i Shqipërisë në Kosovë, Qemal Minxhozi.
“Kjo është një simbolikë, një dëshirë e madhe e qytetarëve të Kosovës për të përkujtuar këtë ditë. Unë mendoj që asnjëherë populli i Kosovës nuk e ka harruar mikpritjen e madhe që i ka informuar populli i Kukësit”, tha Qemal Minxhozi, Ambasador i Shqipërisë në Kosovë
Rreth 700 mijë persona u strehuan në shtëpi, godina institucionesh e në kampet që u ngritën për pritjen e tyre në Kukës, deri në 13 qershor të 1999 kur Kosova u çlirua nga NATO dhe UÇK.
Promo
Reklamo këtuLufta Prigozhin - Putin
Më shumëKurti: Kushtëzimi i anëtarësimit në KiE me Asociacionin është absurd
Deputeti gjerman: Ndërlidhja e Asociacionit me anëtarësimin e Kosovës në KiE do të ishte gabim i rëndë, shtetet perëndimore nuk mësuan nga gabimet e së kaluarës
Flet neuropsikiatri që trajtoi nënën që dyshohet se u vetëvra duke u hedhur në lumin Buna me tre fëmijët
Kusari-Lila e shqetësuar pasi i akuzuari që e kanosi arrin marrëveshje me prokurorinë për pranim të fajësisë
The Telegraph: Një në tre gra britanike ndihet e trishtuar, më keq se ato në Kosovë e në Arabinë Saudite
Gjashtë të lënduar nga aksidenti në Prishtinë, fotografi nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?