ShBA-të mirëpresin vendimin për kalimin nga patentë shoferët ilegal në RKS

Ambasadori amerikan Jeff Hovenier ka mirëpritur vendimin e Ministrisë së Punëve të Brendshme që mundëson kalimin nga patentë shoferi i lëshuar nga institucionet ilegale serbe në Kosovë, në ato zyrtare, të lëshuara nga institucionet e Republikës së Kosovës.

Hovenier në një postim në “X” ka shkruar se ShBA-të mbështesin përpjekjet që mundësojnë integrimin e mëtejshëm.

Lexo po ashtu MPB: Nga 9 maji serbët mund t’i ndërrojnë patentë shoferët ilegalë në RKS

“Shtetet e Bashkuara mirëpresin vendimin e Qeverisë së Kosovës për të lehtësuar dhënien e patentë shoferëve kosovarë për të gjithë qytetarët e Kosovës. Ne mbështesim përpjekjet që mundësojnë integrimin e mëtejshëm dhe avancojnë vizionin tonë të përbashkët për një Kosovë gjithëpërfshirëse, multietnike”, ka shkruar Hovenier.

Ndryshe MPB ka njoftuar se kalimi në patentë shofer të RKS, mundëson regjistrimin e lehtë dhe praktik të automjeteve.

Vendimi hyn në fuqi me datën 9 maj dhe është valid deri me datën 9 gusht 2024. /Telegrafi/

The United States welcomes the Kosovan government decision to facilitate the issuance of Kosovan driver’s licenses to all citizens of Kosovo. We support efforts that enable further integration and advance our shared vision of an inclusive, multiethnic Kosovo.

— Ambassador Jeff Hovenier (@USAmbKosovo) May 8, 2024