Cassano: Nëse Real Madridi dëshiron një menaxher futbolli, mos ta telefonojë Mourinhon

Ish-sulmuesi italian, Antonio Cassano ka nisur t’i transferojë polemikat që e rrethuan në fushën e lojës, jashtë saj dhe kësaj radhe e kapi me Jose Mourinhon.

Cassano këtë herë ka vendosur ta trazojë trajnerin portugez të Romës, i cili u lidh me një kalim te Real Madridi si pasues i Carlo Ancelottit që mund të largohet në fund të sezonit.

“Ai ishte një trajner dhe komunikues i shkëlqyeshëm, sot për mua ai është një trajner që nëse ka trajnuar Real Madridin apo Sanmartinese, është e njëjta gjë”, ka thënë fillimisht Cassano.

Lexo po ashtu Nga Spanja raportojnë se Mourinho pritet të jetë trajner i Real Madridit

“Nëse Ancelotti shkon si trajner i Brazilit, Mourinho mund të shkojë te Real Madridi, por kjo është sepse ka fituar dhe për shkak të statusit që ka, përndryshe mund të shkojë te Sanmartinese”.

“Nëse Real Madridi është i interesuar të flasë për futbollin, ata nuk e thërrasin atë, nëse Sanmartinese duan të bëjnë futboll në mënyrë të pakujdesshme, atëherë ata do ta thërrasin atë”.

Lexo po ashtu Mourinho merr ofertë marramendëse për të trajnuar në Arabinë Saudite

Përveç kësaj, ish-lojtari i Real Madridit, ndër të tjera, nuk ka ngurruar të shprehet se “Mou nuk i jep fare futbollit. Nuk i pëlqen të punojë, nuk di të komunikojë e as të flasë, le të mos të mashtrohen nga historia e tij”.

Mourinho ka mbikëqyrur Romën në 95 ndeshje që nga ardhja e tij në korrik 2021, mesatarisht 1.78 pikë për ndeshje. /Telegrafi/

Cassano: “A Mourinho non frega un c***o del calcio. Può chiamarlo la San Martinese” https://t.co/8STf1zwf8s

— TUTTOmercatoWEB (@TuttoMercatoWeb) April 6, 2023