Trajner i ri, sulmues i ri, epokë e re – Tottenhami mund të bëhet konkurrent serioz në Ligën Premier

Tottenham Hotspur pritet të bëjë ndryshime të mëdha në verë, duke qenë se pritet të angazhojnë trajner të ri. Luis Enrique është në listën e ngushtë të kryetarit të klubit, Daniel Levy.

Ish-përzgjedhësi i Spanjës mund të përpiqet t’i marrë në Londër treshen spanjolle, Pau Torres, Ferran Torres dhe Alvaro Morata. Dy të fundit mund të rikthehen në Ligën Premier, ndërkohë që e njohin sistemin e lojës së trajnerit.

Enrique preferon filozofinë e lojës me dominim posedimi, ashtu siç bëri me Barcelonën kur e fitoi tripletën dhe shumë trofe të tjerë.

Lexo po ashtu Unitedi i do shërbimet e tij nga sezoni i ardhshëm, por Tottenhami kërkon shumë para për Harry Kane

Transferimi i lojtarëve të rinj te Tottenhami mund të lidhet me largimin potencial të Harry Kane, transmeton The Sun, i cili mund të kalojë në një klub më të madh në sezonin e ardhshëm. Po ashtu, spekulohet se Jordan Pickford mund ta zë vendin e Hugo Lloris në portë.

Argjentinasi Alexis Mac Allister është një tjetër emër që mund të përfshihet në mesfushë krahas Rodrigo Bentancur e Pierre-Emile Hojbjerg.

Lexo po ashtu Tre trajnerë në listën e Tottenhamit për të zëvendësuar Conten

Formacioni potencial startues i Tottenhamit në sezonin e ardhshëm nën drejtimin e Luis Enriques

Formacioni alternativ i Tottenhamit në sezonin e ardhshëm nën drejtimin e Enriques

/Telegrafi/