Juventus ka zbuluar një tjetër dokument sekret të dërguar nga Federata Italiane e Futbollit, e cila shpreson se mund të anulojë zbritjen e tyre prej 15 pikësh në Serie A.
Bianconerëve iu hoqën 15 pikë për sezonin aktual nga gjykata italiane e futbollit që po hetonte marrëveshjet e tyre të transferimit dhe pagesat në të zezë.
Siç raportohet nga Football Italia, Juventus po kërkon një dokument që do të dëshmojë se hetimi për fitimet e tyre kapitale filloi më herët se sa ishte deklaruar – gjë që do të çonte në shkelje të kornizës kohore procedurale.
Thuhet se kjo provë mund t’i ndihmojë ata të përmbysin zbritjen e tyre të pikëve – gjë që i lë ata të shtatë në tabelë, krahasuar me vendin e dytë ku do të ishin para këtij dënimi.
Juventus fillimisht kishte kërkuar një dokument të titulluar ‘Shënimi 10940’ – por tani një tjetër dokument u ka rënë në sy.
Këshilli gjyqësor bëri të ditur se kishte detyruar Prokurorinë e FIGC-së t’ua dorëzonte ‘Shënimin 10940’ Bianconerëve dhe avokatëve të tyre në fundjavë, pasi kundër-apeli i FIGC-së u refuzua. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251