Kështu dukej “largimi nga një shtëpi” në Kaliforni – ku ka rënë deri në tre metra borë

Pjesë të mëdha të SHBA-së janë përballur me një stuhi dimërore intensive – ku bora thuhet se ka arritur deri në tri metra – gjatë disa ditëve të fundit.

Si pasojë, përveç viktimave dhe dëmeve të shumta materiale, qindra mijëra njerëz kanë mbetur pa energji elektrike, shkruajnë mediat e huaja, përcjell Telegrafi.

Zyrtarët lëshuan këshilla për motin dhe shpallën gjendje të jashtëzakonshme në disa pjesë të vendit.

Për shembull, Parku kombëtar popullor Yosemite është i mbyllur deri në një njoftim të dytë.

View this post on Instagram

A post shared by Kris (@krissailor)

“Stafi i parkut po punon për të rivendosur shërbimet kritike për të lejuar vizitorët të kthehen të sigurt”, ishte thënë në një deklaratë.

Në këtë drejtim, guvernatori i Kalifornisë, Gavin Newsom kishte shpallur gjendjen e jashtëzakonshme për 13 qarqe për të përshpejtuar punën e shpëtimtarëve dhe ofruesve të tjerë të ndihmës.

Dhe për të përshkruar gjendjen atje, ditëve të fundit janë shpërndarë disa video.

Ndër to është edhe një e fundit e cila po qarkullon në rrjetet sociale që tregon se si njerëzit “largohen nga shtëpia e tyre” në Truckee, Kaliforni. /Telegrafi/