Qindra qytetarë nga mbarë vendi kanë vizituar Kazermën “Adem Jashari”, në 25-vjetorin e Epopesë së lavdishme të Ushtrisë Çlirimtare të Kosovës.
Ata kanë vizituar nga afër njësitë ushtarake të Forcës së Sigurisë së Kosovës dhe u treguan fëmijëve të tyre historinë e popullit shqiptar për liri e pavarësi. Derisa thonë se është shumë e rëndësishme që gjeneratat e reja të kenë më shumë njohuri për luftën e UÇK-së dhe rënien heroike të familjes Jashari në Prekaz.
Sipas tyre, historia e familjes Jashari duhet shpjeguar çdo brezi.
Qytetari Lutfi Bytyqi, i cili ka ardhur nga Malisheva me nipërit e tij, tha për KosovaPress, se është shumë e rëndësishme që gjeneratat e reja të dinë më shumë për historinë që ka kaluar Kosova.
“Jemi ardhur nga Malisheva. Është shumë e rëndësishme kjo datë për UÇK-në, dëshmorët dhe familjen Jashari…1:27 Jam ardhur me nipat dhe është shumë e rëndësishme kjo datë historike për vendin tonë…1:35 Është shumë e rëndësishme t’ia shpjegojmë historinë gjeneratave të reja”, tha Bytyqi.
Në mesin e qindra qytetarëve të pranishëm, ishin edhe fëmijë nga shkolla të ndryshme për të parë nga afër njësitë e FSK-së.
Drejtoresha e shkollës fillore “Skender Emërllahu”, nga Komuna e Vitisë, e cila ka sjellë nxënësit e shkollës për vizitë në Kazermën “Adem Jashari”, tha se është e rëndësishme që fëmijët të dinë që historia e atyre që kanë dhënë jetën për liri të kujtohet çdo vit.
“Është shumë e rëndësishme që rinia jonë, nxënësit tanë dhe fëmijët tanë të dinë shumë për historinë e popullit të Kosovës, sepse historia nuk duhet të harrohet, duhet të kujtohet çdo vit, të kujtohet sakrifica e njerëzve që kanë dhënë jetën për këtë vend, të cilët sot këta fëmijë e gëzojnë”, tha Zejnullahu.
Edhe Shaban Hasani, i cili e ka sjellë nipin për të parë nga afër njësitë e FSK-së, tha se është gabim nëse nuk iu rrëfehet të rinjve vuajtjet që ka kaluar vendi.
“Nëse nuk ua shpjegojmë ne (historinë e vendit), atëherë është gabimi ynë, gjithsesi jam ardhur me nipin… mos t’i harrojmë vuajtjet që ka kaluar populli ynë dhe tash mirë që jemi të lirë”, tha Hasani.
Në 25-vjetorin e rënies heroike të komandantit legjendar Adem Jashari, familjes Jashari, dëshmorëve të kombit, si dhe të gjithë të rënëve për liri, Qeveria e Kosovës më 5, 6 dhe 7 mars, ka organizuar manifestimin gjithëpopullor “Epopeja e Ushtrisë Çlirimtare të Kosovës”.
Nesër do të vazhdojnë homazhet në Prekaz, pastaj Kuvendi i Kosovës do të mbajë seancë solemne, e pasdite do të mbahet Akademi Përkujtimore.
Ndërsa, më 7 mars do të zhvillohet nata e zjarreve në Prekaz, si dhe një program artistik në sheshin e Skenderajt.
Promo
Reklamo këtuLufta Prigozhin - Putin
Më shumëAtentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Tragjedia në Shkodër, gjendet trupi i pajetë i fëmijës së dytë në lumin Buna
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
DW: Sinjale alarmi nga Ballkani - po përsëritet historia?
“Nuk ka asnjë emër që ka pushtuar botën më shumë sesa Skënderbeu”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'