Trazohet Bashkimi Evropian nga skandali korruptiv i katër zyrtarëve që dyshohet se kanë marrë para dhe dhurata nga Katari për organizimin e Botërorit
Skandali i korrupsionit në Bashkimin Evropian shihet si një periudhë shqetësuese, pasi hetuesit akuzuan katër persona që dyshohet se kanë marrë para dhe dhurata nga Katari, kështu ka bërë të ditur presidentja e Komisionit Evropian – Ursula von der Leyen.
Ministrja e Jashtme e Gjermanisë, Annalena Baerbock, ka thënë se besueshmëria e Evropës është në rrezik për shkak të akuzave që shefi i politikës së jashtme të BE-së, Josep Borrell i ka përshkruar si shumë shqetësuese.
Hetuesit belgë po shqyrtojnë pretendimet se Katari, nikoqiri i Kampionatit Botëror, u ka dhënë para dhe dhurata zyrtarëve të Parlamentit Evropian për të ndikuar në vendimmarrje.
Prokurorët kontrolluan 16 shtëpi dhe sekuestruan 600,000 euro në Bruksel të premten si pjesë e hetimit.
Katër persona u arrestuan dhe u akuzuan për “pjesëmarrje në një organizatë kriminale, pastrim parash dhe korrupsion”, thanë prokurorët në një deklaratë të dielën.
Ata nuk përmendën emrat e të dyshuarve, por një burim i afërt me rastin tha se një nga nënkryetarët e Parlamentit Evropian, socialistja greke Eva Kaili, ishte mes të akuzuarve.
Parlamenti Evropian deklaroi në fundjavë se kishte pezulluar zonjën Kaili nga detyrat e saj në dritën e hetimit, ndërsa partia socialiste greke PASOK njoftoi se po e përjashtonte atë nga radhët e saj.
Prokurorët thanë se kishin dyshuar prej muajsh se një shtet nga Lindja e Mesme po përpiqej të ndikonte në vendimmarrje në Bruksel.
Një burim me njohuri për rastin tha se shteti ishte Katari.
“Akuzat janë shumë shqetësuese, shumë serioze”, u tha gazetarëve të hënën von der Leyen, duke përsëritur se ajo po propozonte gjithashtu krijimin e një organi të pavarur të etikës për të mbuluar institucionet e BE-së.
Ndërkohë, zonja Baerbock u tha gazetarëve ndërsa mbërriti për një takim me homologët e saj të BE-së në Bruksel të hënën: “Ky është një incident i pabesueshëm që duhet të sqarohet plotësisht me forcën e plotë të ligjit”.
“Kjo ka të bëjë me besueshmërinë e Evropës, kështu që kjo duhet të shkaktojë pasoja në fusha të ndryshme”.
Borrell në anën tjetër është deklaruar teksa mbërriti në takim: “Sigurisht që lajmet janë shumë shqetësuese”.
“Ne po përballemi me disa ngjarje, disa fakte që sigurisht që më shqetësojnë edhe mua si ish-president i Parlamentit Evropian”.
Ministri i Punëve të Jashtme të Irlandës, Simon Coveney tha se lajmi ishte i dëmshëm për BE-në.
“Ky është një skandal që ne duhet të ekspozojmë të vërtetën përreth, në mënyrë që të sigurohemi që të mos ndodhë më”, potencoi ai.
Ministri i Jashtëm çek Jan Lipavsky po ashtu u deklaruar rreth këtij skandali: “Është absolutisht e papranueshme, çdo lloj korrupsioni”.
Një zyrtar i Katarit mohoi akuzat për sjellje të pahijshme të mundshme në fundjavë: “Çdo lidhje e qeverisë së Katarit me pretendimet e raportuara është e pabazë dhe e keqinformuar rëndë”.
Hetimi vjen pasi Katari është në qendër të vëmendjes globale pasi organizon Kupën e Botës, mes kritikave nga grupet e të drejtave të njeriut.
Ndërkohë, disa diplomatë evropianë i thanë Reuters muajin e kaluar se presioni për të mbajtur lidhje të mira me Katarin po rritej ndërsa kontinenti po shkonte drejt një dimri në mungesë të rezervave energjetike për shkak të luftës në Ukrainë. /Telegrafi/
Promo
Reklamo këtuLufta Prigozhin - Putin
Më shumëTre sulmuesit që Xavi i do për të përforcuar sulmin e Barcelonës këtë verë
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Milani zgjedh numrin 9 të ri, mund të bëhet transferimi më i shtrenjtë në histori të klubit
Bisedimet kanë nisur, Jose Mourinho befason të gjithë me skuadrën e tij të re
Ylli i West Ham i bindur se do ta ndalin Cityn: Arsenali shpallet kampion
Skuadra e inkuadruar në Ligën Premier dëshiron ta dobësojë Arsenalin, bën ofertë të lartë për dy yjet e Topçinjve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'