Antony shpërtheu në lot, posa dëgjoi emrin e tij se është ftuar nga Brazili për në Kupën e Botës

Antony shpërtheu në lot pasi u përfshi në listën prej 26 lojtarësh të trajnerit të Brazilit, Tite për Kupën e Botës.

Anësori i Manchester United ka shënuar tre gola në Ligën Premier që kur erdhi nga Ajaxi në verë. Megjithatë, ai i ka munguar tre ndeshjet e fundit të United pasi pësoi një lëndim muajin e kaluar.

Kjo rëndoi në mendjen e tij të hënën kur u konfirmua skuadra e Selecaos për turneun e këtij muaji në Katar.

Antony po shikonte njoftimin e skuadrës me familjen dhe miqtë, duke kërcyer menjëherë nga vendi pasi dëgjoi të thirrej emri i tij.

22-vjeçari kërceu lart e poshtë me të gjithë të tjerët në dhomë përpara se të përqafonte një person në veçanti.

Fytyra e Antonys bëhej gjithnjë e më e kuqe, ndërsa shtrëngimi i tij bëhej gjithnjë e më i fortë. Të gjitha ato vite sakrificash padyshim ia vlenin.

Por vocês!!! Obrigado, meu Deus!! Obrigado todo mundo… amigos, família, mãe, pai, irmãos!! Amo vocês!!! Emoção demais!! 🇧🇷🇶🇦 @CBF_Futebol pic.twitter.com/Da6aJkkoDx

— Antony Santos (@antony00) November 7, 2022

Sulmues të tjerë të Ligës Premier të përfshirë në skuadër janë dyshja e Arsenalit, Gabriel Jesus dhe Gabriel Martinelli si dhe sulmuesi i Tottenham Hotspur, Richarlison.

Një mungesë e dukshme është Roberto Firmino, pavarësisht një fillimi të mirë të sezonit me Liverpoolin. Ish-anësori i Leeds United, Raphinha, tani i Barcelonës, arrin të hyjë pavarësisht një fillimi të vështirë të karrierës në “Camp Nou”. /Telegrafi/