Fundi i armiqësisë historike – takimi i parë midis liderëve të Turqisë dhe Armenisë

Udhëheqësit e Turqisë dhe Armenisë u takuan sot në Pragë për herë të parë që kur të dyja vendet, që janë armiq historikë, ranë dakord për të përmirësuar marrëdhëniet.

Presidenti turk, Recep Tayyip Erdogan dhe kryeministri armen, Nikol Pashinyan u takuan në margjinat e një samiti të liderëve të 44 vendeve me synimin për të nisur një “Komunitet Politik Evropian” për të forcuar sigurinë dhe prosperitetin ekonomik në të gjithë Evropën.

Në atë takim jozyrtar mori pjesë edhe presidenti i Azerbajxhanit, Ilham Aliyev. Nuk ka ende detaje për temat e diskutuara, raporton aa.

Cumhurbaşkanı Erdoğan, Çekya'nın Başkenti Prag'da düzenlenen Avrupa Siyasi Topluluğu toplantısı öncesi, Azerbaycan Cumhurbaşkanı Aliyev ve Ermenistan Başbakanı Paşinyan ile görüştü pic.twitter.com/GejtUH4IIR

— Anadolu Ajansı (@anadoluajansi) October 6, 2022

Turqia dhe Armenia, të cilat nuk kanë marrëdhënie diplomatike, ranë dakord vitin e kaluar të fillojnë bisedimet që synojnë t’i lënë pas luftimet e kaluara dhe të rihapin kufirin e tyre të përbashkët.

Të dërguarit e posaçëm të emëruar nga të dy vendet kanë mbajtur katër raunde bisedimesh që atëherë.

Bisedimet e tyre rezultuan në një marrëveshje mbi rifillimin e fluturimeve midis qytetit më të madh të Turqisë, Stambollit, dhe kryeqytetit armen, Jerevan. /Telegrafi/