Celina e konsideron të vështirë ndeshjen ndaj Irlandës së Veriut

Bersant Celina, ka folur në konferencë për ndeshjen ndaj Irlandës së Veriut, pasi u rikthye të Kosova pas disa muajsh mungesë.

Mesfushori kreativ ka thënë se janë të përgatitur për këtë ndeshjen me Irlandën e Veriut, teksa shtoi se do të japin maksimumin.

“Jemi përgatitur gjatë tërë javës për këtë ndeshje. Do të jetë një duel shumë i vështirë, por ne jemi të gatshëm dhe të kënaqur të jemi pjesë e kësaj ndeshjeje të fortë. Do të tentojmë të japin më të mirën tonë dhe të marrim një rezultat të favorshëm. E kemi parasysh se nuk do të jetë aspak lehtë pasi Irlanda e Veriut është ekip agresiv. Megjithatë, edhe ne kemi synimet tona dhe do të mundohemi të bëjmë më të mirën në fushë”, ka thënë fillimisht Celina.

Celina potencoi se do të jetë një përballje agresive dhe me shumë presion, por që do ta menaxhojnë, pasi sipas tij presioni është te Irlanda.

“Ndoshta jemi ekip i vogël dhe shumë nuk kanë dëgjuar për ne. Mirëpo, Irlanda nuk duhet të jetë e poshtëruar nëse mposhtet prej nesh. E dimë që po ashtu në këtë ndeshje do ta ketë edhe përkrahjen e madhe të tifozëve dhe kjo vështirëson edhe më shumë gjërat për ne. Pres një ndeshje të fortë dhe emocionuese, andaj synimi është të marrim rezultat të favorshëm. Presioni do të jetë më shumë te Irlanda që është në kërkim të fitores së parë”.

Kosova do të përballen me Irlandën e Veriut në Belfast nesër në mbrëmje nga ora 18:00 në stadium ‘Ëindsor Park’, i cili do të jetë i mbushur. /Telegrafi/