Nënkryetarja e Sindikatës së Bashkuar të Arsimit, Shkencës dhe Kulturës (SBASHK), Vjollca Shala, e ftuar në emisionin “Përballje” në Telegrafi.com me kryeredaktorin Muhamet Hajrullahu, deklaroi se një vendim i mundshëm i mësimdhënësve për ta ndërprerë grevën do ta gëzonte sindikatën.
Shala tha se greva nuk mund të vazhdojë deri në pafundësi, ndërsa shtoi se presin që Qeveria e Kosovës të reflektojë në realizimin e kërkesave të Bashkimit të Sindikatave të Pavarura të Kosovës (BSPK).
“Shpresa vdes e fundit. Herdo kurdo duhet të arrihet një zgjidhje. S’mundet greva të vazhdojë deri në pafundësi. Dëshira më e madhe e mësimdhënësve është që mësimi të fillojë qysh nesër. Të gjithë mësimdhënësit janë gëzuar për takimin e djeshëm me kryeministrin. Menduam se do të arrihet një marrëveshje”.
“Nëse mësimdhënësit vendosin ta ndërpresin grevën, SBASHK-u është i lumtur. Presim që kryeministri ta ndryshojë qëndrimin dhe të arrihet një marrëveshje me grevistët. Përndryshe, greva do të vazhdojë”, u shpreh ajo.
Mes tjerash, nënkryetarja e SBASHK-ut bëri të ditur se numri i shkollave të cilat janë në grevë aktualisht është 1 mijë e 187. E për dëmin që po u shkaktohet nxënësve Shala fajësoi Qeverinë.
“Pra, 320 mijë nxënës nuk janë në bankat shkollore. Ne e kuptojmë dëmin që po u bëhet. Por, Qeveria është fajtore për këtë. Urojmë që Qeveria të reflektojë në realizimin e kërkesave të BSPK-së dhe greva të marrë fund”.
Duke folur për takimin e djeshëm mes Këshillit Grevist dhe Qeverisë Kosovës, Shala tha se kryeministri Albin Kurti nuk ofroi asgjë të re.
“E kemi mirëpritur ftesën e kryeministrit për takimin e djeshëm, sepse kemi shpresuar që do të arrijmë një zgjidhje me qëllim të fillimit të procesit mësimor. Një gjë e tillë nuk ndodhi. Këshilli Grevist paraqiti kërkesat e veta, por kryeministri nuk ofroi asnjë zgjidhje. Ato që Kurti i përmendi në takim ne i kemi pasur të ditura. Këshilli Grevist në takim ka thënë se do të konsultohemi me anëtarësinë në rast se do të kishte diçka të re, pra marrëveshje të re”.
Në fund, ajo inkurajoi prindërit që të bëjnë presion te Qeveria me qëllim të arritjes së një zgjidhjeje.
Ndryshe, takimi i djeshëm mes krerëve të Qeverisë së Kosovës dhe Këshillit Grevist përfundoi pa marrëveshje për ndërprerjen e grevës, e cila ka nisur tash e tri javë. Përveç se nuk arritën të gjejnë zgjidhje, të dyja palët pas takimit hodhën akuza ndaj njëra-tjetrës.
Kryetari i SBASHK-ut, Rrahman Jasharaj, akuzoi ekzekutivin për mungesë vullneti për të gjetur zgjidhje, ndërsa kryeministri Kurti hodhi dyshime se greva në arsim po përdoret për qëllime të sindikatës dhe “jo për arsimin e as arsimtarët”.
“Ata me mua janë sjell thua se buxheti është i imi e janë paratë e mia. Këto janë para të qytetarëve. Më thoshin ‘na ndihmo si vëlla’. Si vëlla të ndihmoj privatisht, por unë jam kryeministër dhe ka kaluar koha kur kryeministri të bëhet vëlla, kur kryeministri të ndihmon si vëlla”, u shpreh Kurti të martën, në konferencë për media.
Sipas tij, të kërkosh përmbushje të plotë të kërkesave të sindikatës siç po bën SBASHK-u, është e palogjikshme dhe e rrezikshme.
“Kanë kërkuar 100 euro, ne kemi thënë 50 e ata ose krejt ose hiç. Nuk është e drejtë kjo mënyrë e shantazhit. Shteti nuk do të duhej të shantazhohej nga dikush që është më i zhurmshmi. Dhe jo për kushtet e punës, por për para”, ka deklaruar Jasharaj./Telegrafi/
Lufta Prigozhin - Putin
Më shumëProkuroria jep detaje për plagosjen e katër personave në Lupç të Podujevës
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Nuk dihet gjendja shëndetësore e katër të plagosurve në Lupç, shumë policë te hyrja në Emergjencë
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës