Takimi i djeshëm mes krerëve të Qeverisë së Kosovës dhe Këshillit Grevist përfundoi pa marrëveshje për ndërprerjen e grevës, e cila ka nisur tash e tri javë. Përveç se nuk arritën të gjejnë zgjidhje, të dyja palët pas takimit hodhën akuza ndaj njëra-tjetrës.
Kryetari i Sindikatës së Bashkuar të Arsimit, Shkencës dhe Kulturës (SBASHK), Rrahman Jasharaj, akuzoi Qeverinë për mungesë vullneti për të gjetur zgjidhje, ndërsa kryeministri Albin Kurti hodhi dyshime se greva në arsim po përdoret për qëllime të sindikatës dhe “jo për arsimin e as arsimtarët”.
Teksa tha se “në ditët e javët në vijim do ta marrim vesh se çka është në pyetje”, ai tregoi se Jasharaj në takim i kishte kërkuar që “t’i ndihmojë si vëlla”.
“Ata me mua janë sjell thua se buxheti është i imi e janë paratë e mia. Këto janë para të qytetarëve. Më thoshin ‘na ndihmo si vëlla’. Si vëlla të ndihmoj privatisht, por unë jam kryeministër dhe ka kaluar koha kur kryeministri të bëhet vëlla, kur kryeministri të ndihmon si vëlla”, u shpreh Kurti të martën, në konferencë për media.
E lidhur me këtë detaje ka dhënë edhe nënkryetarja e SBASHK-ut, Vjollca Shala, në një intervistë në emisionin “Përballje” në Telegrafi.com me kryeredaktorin Muhamet Hajrullahu.
Ajo deklaroi se Jasharaj i ka kërkuar Kurtit ndihmë në formë vëllazërore, por se ky i fundit e ka keqpërdorur duke e nxjerrë nga konteksti fjalinë.
“Jasharaj i është lutur Kurtit si kryeministër, por i ka thënë edhe si vëlla ‘të lutem, eja ta gjejmë një zgjidhje’. Kryeministri pak e ka keqpërdorur atë thënie të kryetarit Jasharaj. Tek e fundit edhe janë vëllezër mes vete. Nuk e ka thënë me të keq, por në formë vëllazërore. Kryeministri e ka nxjerrë nga konteksti këtë thënien ‘si vëlla’”, tha Shala.
Ajo foli edhe për pretendimet e Kurtit lidhur me “qëllimet e fshehta” të sindikatës, duke thënë se greva është shpallur nga mësimdhënësit e nëse kryeministri di diçka më shumë, atëherë le të tregojë.
“Greva nuk është duke u përdorur për asnjë qëllim tjetër. Udhëheqësit e SBASHK-ut bëjnë atë që ju thotë anëtarësia. Pra, grevën e kanë shpallur mësimdhënësit e ne jemi zëri i tyre. Nëse kryeministri di diçka le të urdhëron e të tregon se çfarë di”.
Ajo ka thënë se greva do të vazhdojë deri në gjetjen e një zgjidhje duke potencuar kërkesat sindikale.
Gjithashtu, në këtë intervistë nënkryetarja Shala ka thënë se ata janë të hapur për takime të reja me Qeverinë. /Telegrafi/
Lufta Prigozhin - Putin
Më shumëNga Rubrika
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
A po i rehabiliton shteti të dënuarit për tensionet në veri?
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri