Granit Xhaka nuk ndalet së befasuari tifozët e Arsenalit – mesfushori shqiptar ka gjithë vëmendjen në “Emirates”

Granit Xhaka i ka lënë fansat në befasi pasi u kap duke u kthyer në stërvitje me një makinë të vogël gjatë dokumentarit të klubit “Gjithçka ose Asgjë”.

Gunners janë subjekt i kastit të tretë në Ligën Premier të dokumentarëve “All or Nothing” të Amazon, me tre episodet e para të edicionit të Arsenal të publikuar të enjten.

Dhe shikuesit u lanë të befasuar, pasi ylli i tyre, Xhaka u paraqit në stërvitje me një makinë çuditërisht të vogël dhe u përshëndet nga shoku i skuadrës, Cedric Soares.

Një përdorues në Twitter shkroi: “Kjo është arsyeja pse më pëlqen Xhaka. Burri ka një karakter të fortë”.

Një përdorues i dytë shtoi: “Skena legjendare”.

Disa nga fansat u përgjigjën thjesht me një varg emoji të qeshur.

Disa fansa gjithashtu zgjodhën të theksonin se Cedric ishte ai që përshëndeti Xhakën.

Një përdorues tjetër tha: “Cedric, duhet të qetësohesh vëlla”.

Xhaka besohej se po ngiste një Brabus Ultimate E, me vlerë 45,000 euro.

Cedric, qartësisht i hutuar nga madhësia e makinës, e pyeti Xhakën: “Çfarë është kjo makinë?”.

Për të cilën Xhaka u përgjigj: “Vëlla, kjo është makina më e mirë e të gjitha kohërave”.

Seriali i prapaskenave ka pasur sukses të madh me skuadrat e tjera në Ligën Premier si, Manchester City dhe Tottenham në dy vitet e mëparshme. /Telegrafi/