Lista me 11 largimet që synon t’i realizojë Arteta te Arsenali në këtë verë

Arsenali është gati të largojë 11 lojtarë këtë verë ndërsa Mikel Arteta përgatitet të forcojë më tej skuadrën e tij.

Topçinjtë këtë herë po bëjnë bujë të vërtetë në afatin kalimtar. Gabriel Jesus, Fabio Vieira, Oleksandr Zinchenko, Marquinhos dhe Matt Turner janë sjellë përpara ndeshjes hapëse të tyre në Ligën Premier kundër Crystal Palace të premten.

Dhe pas fitores së tyre para-sezonale kundër Sevillas javën e kaluar, ambiciozi Arteta pranoi se dëshiron të bëjë më shumë nënshkrime nëse merkato i lejon ta bëjnë këtë.

Portieri gjerman Bernd Leno mund të jetë i pari që do të largohet. Fulham kanë rënë dakord për një marrëveshje prej 10 milionë euro për ta sjellë lojtarin në “Craven Cottage” këtë verë, me teste mjekësore të planifikuara këtë javë.

Nicolas Pepe gjithashtu është lidhur shumë me një lëvizje. Nënshkrimi rekord i klubit (80 milionë euro) iu ofrua Paris Saint-Germain këtë verë, sipas Foot Mercato.

Nuno Tavares dhe Arthur Okonëko janë larguar në huazim te Marseille dhe Creëe, ndërsa sulmuesi i talentuar Folarin Balogun është lidhur me një lëvizje te klubi francez Reims.

Hector Bellerin, i cili është paraqitur për skuadrën e Mikel Artetës në turneun e tyre parasezonal në Amerikë, shpreson për një rikthim te Real Betis pas huazimit të sezonit të kaluar.

Dhe Lucas Torreira është afër një lëvizjeje te skuadra turke Galatasaray, sipas Fabrizio Romano.

Transferimet e mësipërme ka të ngjarë të ndodhin siç janë, por ende nuk ka blerës për Pablo Mari, Ainsley Maitland-Niles, Alex Runarsson dhe Reiss Nelson, sipas The Sun.

Raportimi pretendon se Arsenali shpresonte të mblidhte deri në 55 milionë euro për katër lojtarët e mësipërm, si dhe Lucas Torreira. /Telegrafi/