Ministrja e Drejtësisë, Albulena Haxhiu, në seancën e sotme të Kuvendit foli në lidhje me Projektligjin për Byronë Shtetërore për Konfiskimin e Pasurisë e Pajustifikueshme.
Para deputetëve, Haxhiu tha se ndonëse debati për këtë çështje është mbyllur, sërish si Qeveri mirëpresin diskutimin pas opinionit të Komisionit të Venecias.
Sipas saj, ky Komision i ka dhënë dritën e gjelbër qëllimit që ka Projektligji në fjalë.
Por, për këtë Projektligj kritika kanë pasur partitë opozitare, duke e quajtur iniciativë joserioze.
Deputetja e Partisë Demokratike të Kosovës, Blerta Deliu-Kodra, ka thënë se në politikë e mundshmja dhe e drejta shpesh ndahen nga një fije e hollë.
“Në politikë e mundshmja dhe e drejta shpesh ndahen nga një fije e hollë, por e mundshmja kurrë nuk mund ta zëvendësojë të drejtën dhe një shtet ligjor e demokratik nuk do të duhej të kishte të mundshme jashtë saj çka konsiderohet e drejtë, sepse kjo do të ishte e padrejtë”, është shprehur ajo.
Projektligji për Byronë sipas saj është iniciativë joserioze, e pamatur dhe e vobektë.
“Vetëvendosja me këtë Projektligj ka provuar të ndërrojë këtë formulë, duke tentuar ta bëjë të mundshmen të drejtë, sepse krejt çka paraqet kjo nismë është që votat i ka për ta bërë të mundshme. Kjo iniciativë që është aq joserioze, e pamatur dhe e vobektë, s’ka të bëjë me drejtësinë e as me ligj”, ka thënë tutje Deliu-Kodra.
Edhe deputeti i Lidhjes Demokratike të Kosovës, Driton Selmanaj, tha se nuk e përkrahin këtë Projektligj, pasi sipas tij, Komisioni i Venecias me opinionin e tij për Byronë ka konfirmuar pretendimet e opozitës.
“Me ministren e Drejtësisë pajtohesha vetëm me pjesën e citimeve. Kisha përshtypje se po lexojmë dokumente të ndryshme. Komisioni i Venecias i ka ngritur shumë dilema dhe shqetësime për këtë Projektligj. Ju lutem, asnjë qeveri të mos provojë që komisionin ta shfrytëzojë për legjitimim të iniciativa që janë joprofesionale dhe të mbrapshta”.
Ndërsa, Albana Bytyçi, deputete e Aleancës për Ardhmërinë e Kosovës, tha se Projektligji për Byronë ka mangësi serioze.
“Projektligji për Byronë i shkel të gjitha të drejtat e njeriut dhe ka mangësi serioze në formën që na është prezantuar. Ky Projektligj shkel parimet universale të mbrojtjes së të drejtave të njeriut dhe cenon sistemin prokurorial të Kosovës. Verdikti i Komisionit të Venecias nuk po interpretohet drejtë nga ana e Qeverisë”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'