Interi fiton ndaj Udineses dhe vazhdon të jetë hije e Milanit

Me rezultat 2-1, Interi ka fituar përballë Udineses në Dacia Arena – Stadio Friuli në ndeshjen e javës së 35-të në Serie A.

Nerazzurrët bënë paraqitje të mirë në gjysmën e parë, në të cilën krijuan epërsi prej dy golash. Ivan Perisic e zhbllokoi rezultatin (12’) duke shënuar me kokë pas harkimit të Federico Dimarcos nga këndi.

Një ndërhyrje në Edin Dzekon, pas konsultimit të VAR-it, gjyqtari e ndëshkoi me njëmbëdhjetëmetërsh. Lautaro Martinez mori përgjegjësinë, por e goditi shtyllën nga pika e bardhë.

Megjithatë, reagimi i argjentinasit ishte i menjëhershëm duke e shfrytëzuar topin e kthyer dhe realizoi me kokë (39’).

Në minutat e fundit, zikaltrit duhej të ishin të kujdesshëm, pasi që Ignacio Pussetto e shfrytëzoi një top të kthyer për ta ngushtuar rezultatin.

Arturo Vidal arriti ta fuste topin në rrjetë në vazhdim, mirëpo goli u anulua për pozitë jashtë loje.

Falë kësaj fitoreje, Interi ruan diferencën dypikëshe prapa Milanit në garën për titullin e kampionit kur kanë mbetur edhe tri xhiro deri në fund. /Telegrafi/

https://twitter.com/FCIMcomps/status/1520799077289631744?ref_src=twsrc%5Etfw%7Ctwcamp%5Etweetembed%7Ctwterm%5E1520799077289631744%7Ctwgr%5E%7Ctwcon%5Es1_c10&ref_url=https%3A%2F%2Fkosovapress.com%2Fzhbllokohet-rezultati-mes-udineses-e-interit-video%2F

¡UN TORO IMPARABLE! 🐂
Lautaro Martínez y otro gol más en la Serie A, 17° en esta liga.
pic.twitter.com/ysBHAFoEPS

— Racing Radio (@RacingRadioClub) May 1, 2022