Xhaferi-Landsbergis: Nevojitet bashkëpunim dhe mbështetje më e madhe si shtete anëtare të NATO-s për tejkalimin e situatës në Evropë

Kryetari i Kuvendit, Talat Xhaferi, sot në takim me ministrin e Punëve të Jashtme të Lituanisë, Gabrielius Landsbergis, shprehu mirënjohjen e tij për interesimin e vazhdueshëm të Lituanisë për të mbështetur integrimet euroatlantike dhe evropiane të Maqedonisë së Veriut.

Xhaferi, siç njofton kabineti i tij, në bisedë ka shprehur keqardhje për rrethanat në të cilat po zhvillohet ky takim, kur rrezikohet siguria e kontinentit evropian, pra kur Ukraina përballet me agresion të pajustifikuar dhe të paprovokuar ushtarak nga Federata Ruse, akt ky që Komuniteti global, siç është, përfshirë Maqedoninë e Veriut, e dënon dhe e deklaron atë një shkelje flagrante të integritetit territorial të një shteti sovran, duke mos respektuar kufijtë e njohur ndërkombëtarisht dhe ligjin ndërkombëtar.

Kryetari i Kuvendit iu referua vizitës së tij të fundit në Ukrainë, ku dha mbështetje personale dhe institucionale për përpjekjet e institucioneve të Ukrainës për të rivendosur paqen dhe kontrollin në të gjithë territorin e tyre.

Ai theksoi se Maqedonia e Veriut si shtet i është bashkangjitur të gjitha masave dhe obligimeve të ndërmarra nga Bashkimi Evropian në mbështetje të Ukrainës dhe këto janë masa të ndërmarra nga NATO si vend anëtar dhe vend kandidat për anëtarësim në BE.

Ministri Landsbergis theksoi se mbështesin fuqishëm integrimin evropian të Maqedonisë së Veriut dhe fillimin sa më të shpejtë të negociatave për anëtarësim në BE. Ai theksoi se është shumë e rëndësishme që vendi t’i përmbahet me vendosmëri të gjitha sanksioneve kundër Rusisë të vendosura nga Bashkimi Evropian.

“Lidhur me kundërshtimin e Republikës së Bullgarisë dhe veton për fillimin e negociatave në Republikën e Maqedonisë së Veriut, ai theksoi se kjo është e papranueshme, veçanërisht në këto kohë të vështira kur rrezikohet siguria evropiane, si dhe uniteti dhe solidariteti ndërmjet vendeve evropiane janë kyç për të, por edhe tejkalimi i krizës. Republika e Lituanisë ka bërë përparim të madh në të gjitha fushat, në fushën demokratike, ekonomike dhe institucionale, kur u bë anëtare e BE-së, thuhet në komunikatën e Kuvendit.

Xhaferi dhe Landsbergis në takim u pajtuan se nevojitet bashkëpunim dhe mbështetje më e madhe si shtete anëtare të NATO-s për tejkalimin e situatës së krizës në kontinentin evropian.