Llapi në kërkim të fitores së parë, interesant edhe sfida e skuadrave të ardhura nga Liga e Parë

Java e gjashtë në BKT Superligën e Kosovës në futboll do të startojë sot me dy ndeshje shumë interesante.

Pas pesë javëve të para, Llapi nuk e ka shijuar ende fitoren dhe synon që një gjë të tillë ta arrijë sot.

Skuadra e drejtuar nga Tahir Batatina pret Drenicën e cila e ka nisur mjaftë mirë sezonin, por që në ndeshjen e fundit pësoi humbje nga Drita 0-2.

Kjo ndeshje do të zhvillohet në Merdare me fillim nga ora 16:00, derisa dy ekipet futën në fushë për të marrë maksimumin e pikëve.

Ndeshje mjaftë interesante pritet të zhvillohet sot edhe në stadiumin e qytetit në Suharekë, ku Ulpiana po i zhvillon ndeshjet si vendas.

Lipjanasit pas fitores së madhe në udhëtim te Gjilani 2-3, do të jetë nikoqir të Dukagjinit të Klinës.

Ashtu si Llapi edhe klinasit ende nuk kanë shijuar fitoren këtë edicion dhe synojnë që këtë gjë ta bëjnë sot ndaj Ulpianës.

Në anën tjetër lipjanasit janë të motivuar pas atij triumfi në Gjilan dhe synojnë të vazhdojnë me rezultate pozitive në Superligë. /Telegrafi/

BKT Superliga e Kosovës

E shtunë

16:00 Llapi – Drenica
16:00 Ulpiana – Dukagjini

E diel

15:00 Drita – Gjilani
16:00 Malisheva – Ballkani
16:00 Feronikeli – Prishtina