Herrera: Mbappe më tregoi dy javë para mbylljes së afatit kalimtar se ai do të qëndronte te PSG

Kylian Mbappe i ka thënë bashkëlojtarit të tij te Paris Saint-Germain, Ander Herrera, se ai do të qëndronte në klubin francez dy javë para përfundimit të afatit kalimtar veror.

Ofertat e vona të Real Madridit për Mbappen vodhën shumë tituj të mediave botërore në ditët e fundit të afatit kalimtar të transferimeve.

Los Blancos bëri disa lëvizje të vonshme në një përpjekje për të marrë Mbappen një vit më herët para se sulmuesi të bëhet lojtar i lirë verën e ardhshme.

Por, PSG rezistoi, duke mbajtur yllin e tyre francez me shpresën se ata mund ta bindin atë të nënshkruajë një marrëveshje të re.

Dhe duket se besimi nga klubi i PSG-së u fërkua pak tek Mbappe, i cili e bëri të qartë dy javë para mbylljes së afatit kalimtar se ai do të qëndronte i vendosur.

Është bashkëlojtari i tij spanjoll, Herrera, i cili e ka zbuluar këtë.

Herrera reveals Mbappe told him that he was staying at PSG TWO WEEKS before the transfer window shut https://t.co/AxbkWuWZJJ

— Mail Sport (@MailSport) September 17, 2021

“Unë kisha një intuitë që ai do të qëndronte. Ajo që na është thënë gjithmonë nga klubi është që Mbappe të qëndrojë”.

“E pyeta dy javë para mbylljes së afatit kalimtar dhe ai më tha: Unë jam këtu, unë jam këtu”, ka thënë Herrera për Mundo Deportivo.

Ndërsa ai lajm është pak befasues, vlen të kihet parasysh se ato komente të Mbappes do të kishin ardhur para përpjekjeve të vonshme nga Real Madridi.

Është e paqartë nëse sulmuesi kishte pak më shumë dyshime për të ardhmen e tij, pasi ai do të kishte qenë në dijeni të atyre ofertave të vonshme të Los Blancos. /Telegrafi/