Kurti: LVV është për shtyrje të zgjedhjeve lokale

E plotësuar: Abdixhiku: Ditë e mirë për demokracinë që nuk u shtynë zgjedhjet

Kryetari i LDK-së, Lumir Abdixhiku ka thënë se në takim nuk ka pasur pajtueshmëri për shtyrjen e datës së zgjedhjeve.

Ai ka thënë se në takim shprehen brengen për pandeminë dhe numrin e madh të vdekjeve nga COVID-19.

Sipas tij ka thënë se kjo situatë ka ardhur nga menaxhimi inekzistent të Qeverisë.

“Në situatën e tanishme, unë kam bërë një propozim për shkurtim të fushatës zgjedhore dhe siç jeni informuar kam marrë përgjigje nga AAK dhe PDK. Nuk kam marrë përgjigje nga Kurti. Ne kemi marrë vendim si LDK që do të ushtrojmë fushatë 5 ditë ose fare. Ne besojmë që një skenar për shtyrje t zgjedhje nuk bën të ekzekutohet sepse në pyetje është demokracia. Nuk kishte pajtueshmëri për shtyrje të zgjedhjeve dhe kjo është ditë e mirë për demokracinë”, ka thënë ai.

Abdixhiku thotë se sot triumfoi demokracia.

“Shpresoj se një vendim i tillë të mbetet në ditët në vijim”, tha Abdixhiku.

Krasniqi: Besoj që nuk do të ketë shtyrje të zgjedhjeve

Kryetari i PDK-së, Memli Krasniqi ka thënë se raporti profesional i IKSHPK-së e thotë atë që opozita e ka thënë qysh moti, për përkeqësimin e gjendjes me COVID-19.Ai ka thënë se të gjithë duhet të kontribuojnë që të përmirësohet gjendja me COVID-19.Krasniqi ka thënë se krahas shëndetit të qytetarëve duhet të ketë edhe shëndet demokratik, duke shtuar se beson që nuk do të ketë shtyrje të zgjedhjeve.

“Ne kemi shprehur qëndrimin tonë, që jemi të gatshëm edhe ta pezullojmë fushatën, që të ketë respektim rigoroz të respektimit të masave, po ashtu kërkova nga Qeveria t’i jep prioritet vaksinimit të personave të përfshirë në KQZ. Nëse do të ketë vaksinim ditor deri në 20.000 vaksina në ditë, ne deri në ditën e zgjedhjeve mund të kemi deri në 800 mijë ta vaksinuar”, ka thënë ai.

Nitaj: Zgjedhjet nuk do të shtyhen, nuk kishte konsensus

Zyrtari i AAK-së Muharrem Nitaj pas takimit në Presidencë ka deklaruar se zgjedhjet do të mbahen në datën e paraparë me Kushtetutë.

“Nuk ka pasur konsensus mes subjekteve politike prandaj zgjedhjet nuk shtyhen. Presidentja deklaroi se pa konsensus politik nuk do të shtyjë zgjedhjet. Të gjitha subjektet opozitare ishin kundër”, tha ai, përcjell Telegrafi.

Nitaj thotë se edhe Kurti kishte deklaruar se nuk do ta imponojë qëndrimin e tij.

Ai ka thënë se megjithatë një konsensus është arritur me s palëve.

“Kishte konsensus që fushata të shkurtohet vetëm në pesë ditë”, deklaroi Nitaj.

Kurti: LVV është për shtyrje të zgjedhjeve lokale

Kryetari i LVV që është edhe kryeministër i vendit, është shprehur se subjekti që ai drejton është për respektim të mendimit të mjekëve dhe për shtyrje të zgjedhjeve.

Kurti thotë se shtyrja duhet të bëhet në mënyrë që të mos ketë valë të re të virusit.

“Ne jemi për respektimin e vlerësimit profesional të Institutit Kombëtar të Shëndetësisë Publike, i nënshkruar nga 11 doktorë gjithsej, që është për shtyrjen e zgjedhjeve. Shtyrja e zgjedhjeve më së shumti i kushton pikërisht subjektit tonë, që nga viti 2017 janë mbajtur dy palë zgjedhje nacionale. Duke e pasur parasysh që aktualisht kemi një përmirësim të situatës me pandeminë në mënyrë që ky përmirësim të mos ndalet, në mënyrë që të mos kemi një valë të re, për shkak se versioni Delta është eksploziv në muajt nëntor dhe dhjetor, ne jemi që zgjedhjet të shtyhen”.

Kurti ka thënë se zgjedhjet lokale nuk janë sikur ato qëndrore.

“Megjithatë ne nuk imponojmë qëndrimin tonë, le të merret cilido vendim ne do ta respektojmë. Nuk janë zgjedhjet lokale sikur ato qëndrore. Nuk votohet vetëm një kandidat por më shumë dhe ka edhe balotazh e nuk votohet vetëm një raund”.

Kurti megjithatë ka thënë se nuk do të imponohet qëndrimi i tyre për shtyrje të zgjedhjeve.

“Ne kemi shprehur qëndrimin si subjekt dhe duhet të presim që të përfundojë takimi konsultativ”, deklaroi tutje Kurti.

Nis takimi i subjekteve politike me presidenten

Ka nisur takimi i presidentes së Kosovës, Vjosa Osmani, me përfaqësuesit e partive politike për të diskutuar rekomandimin e IKShPK-së rreth mbajtjes së zgjedhjeve lokale.

Në takim po marrin pjesë kryeministri i Kosovës dhe kryetari i LVV-së Albin Kurti, kryetari i LDK-së, Lumir Abdixhiku, kryetari i PDK-së, Memli Krasniqi, nga AAK, Muharrem Nitaj, nga alternative, Mimoza Kusari dhe nga Lista Guxo, Donika Gërvalla.

Në ftesën dërguar partive të shtunën thuhet se takimi mbahet “për ta diskutuar opinionin profesional dhe rekomandimin e Task Forcës së Institutit Kombëtar të Shëndetësisë Publike të Kosovës lidhur me ndikimin e procesit zgjedhor në situatën epidemiologjike në vend”.

Osmani bëri të ditur se pas përfundimit të takimit do të ketë adresim për media.

​Kurti në Presidencë, pas pak nis takimi për zgjedhjet

Kryeministri i Kosovës, Albin Kurti, së bashku me shefen e deputetëve të Grupit Parlamentar të Lëvizjes Vetëvendosje, Mimoza Kusari, kanë arritur në presidencë, për takimin që ka ftuar presidentja, Vjosa Osmani, për të diskutuar opinionin e IKShPK-së për zgjedhjet lokale.

Pjesëmarrjen në takim e kanë konfirmuar edhe opozita./Telegrafi.