Bajrami, Kurtit: Gjeni zgjidhje për hapjen e shkollave

Deputetja e Lidhjes Demokratike të Kosovës, Hykmete Bajrami ka thënë se si në kohë lufte shkollat janë të mbyllura.

Bajrami në një postim në Facebook kërkon nga kryeministri Albin Kurti të gjej zgjidhje për hapjen e shkollave.

Lexoni të plotë postimin:

Kryeministër bëni zgjidhje për hapjen e shkollave

Sot, si në kohë lufte, shkollat janë të mbyllura. Kjo nuk është zgjidhje. Sot do të duhej të uronim fillimin e vitit të ri shkollor. Sikurse po ndodh në vendet e rajonit. Kur erdhi pandemia, më 11 mars 2020 u mbyllën shkollat por pas një jave filloi mësimi online.

Kryeministër, duhet të bëni zgjidhje, e di që jeni i zënë edhe me punë tjera, edhe më angazhime e punësime partiake, edhe me fushatën elektorale, por po kërkoj nga ju dhe secili anëtar i kabinetit qeveritar të fokusoheni  në gjetjen e një zgjidhje për hapjen e shkollave.

Deri tash s’kam parë një rrugë të qartë, një strategji ose dokument të Ministrisë së Arsimit për hapjen e shkollave.

Kryeministër bëni zgjidhje. Ka kohë për fushatë elektorale. Ka kohë për sulme politike.

Qytetarët ju votuan për të bërë zgjidhje dhe fjala është e Juaja. /Telegrafi/