“Ëndërr e realizuar”, fjalët e para të Sanchos si lojtar i Manchester Unitedit

Jadon Sancho është konfirmuar si lojtari i ri i Manchester Unitedit, teksa ndihet shumë i lumtur me transferimin e tij në Old Trafford, ndërsa nuk ka hezituar ta falënderoj ish-klubin e tij, Borussia Dortmund.   

Djajtë e Kuq kanë prezantuar sot transferimin e Sanchos nga Borussia Dortmundi, transferim i cili iu ka kushtuar plot 85 milionë euro.

Lojtari ndihet i lumtur me transferimin në Old Trafford dhe rikthimin në Ligën Premier, por i është mirënjohës klubit gjerman.

Lexo po ashtu Zyrtare: Jadon Sancho, lojtar i ri i Manchester Unitedit

“Unë gjithmonë do t’i jem mirënjohës Dortmundit që më dha mundësinë për të luajtur futboll të ekipit të parë, megjithëse gjithmonë e dija që do të kthehesha në Angli një ditë”, ka thënë fillimisht Sanchos si lojtar i Unitedit.

“Shansi për t’u bashkuar me Manchester United është një ëndërr e realizuar dhe mezi pres të paraqitem në Ligën Premier”.

Young king 👑#MUFC @Sanchooo10 pic.twitter.com/Yo52Heit5n

— Manchester United (@ManUtd) July 23, 2021

“Kjo është një skuadër e re dhe emocionuese dhe e di, së bashku, ne mund të zhvillohemi në diçka të veçantë për të sjellë suksesin që meritojnë tifozët”.

“Unë mezi pres që të punoj me menaxherin dhe ekipin e tij të trajnerëve për të zhvilluar më tej lojën time”, përfundoi sulmuesi anglez. /Telegrafi/

🌹 Roses are red
🔴 Jadon is too…#MUFC @Sanchooo10 pic.twitter.com/BBEQzmyHT3

— Manchester United (@ManUtd) July 23, 2021