Transferimi i Sanchos te Manchester Unitedi pritet ta pasurojë me miliona euro Manchester Cityn

Manchester City pritet të përfitojë një shifër të konsiderueshme nga transferimi i Jadon Sanchos nga Borussia Dortmundi te Manchester Unitedi.

Djajtë e Kuq thuhet se kanë arritur marrëveshje me Dortmundin për transferimin e anglezit Sancho në Old Trafford.

Besohet se dy palët janë pajtuar për një shumë prej rreth 73 milionë funte (85 milionë euro) apo rreth 90 milionë me bonuse dhe lojtari do t’u nënshtrohet ekzaminimeve mjekësore para se ta nënshkruajë kontratën.

Lexo po ashtu Unitedi dhe Dortmundi kanë marrëveshje për Sanchon, pas ekzaminimeve mjekësore do të nënshkruajë kontratë pesëvjeçare

Megjithatë, të gjitha paratë nga shitja e sulmuesit anësor anglez nuk do t’i marrë Dortmundi, pasi edhe një klub tjetër pritet të përfitojë.

Është rivali i Unitedit, City, i cili do ta fitojë një shifër të konsiderueshme nga ky transferim, pasi Sancho është akademi e klubit nga Etihad.

Sipas gazetarit të njohur italian Fabrizio Romano, City do të marrë rreth 13 milionë euro si pjesë e marrëveshjes, pasi ka ruajtur 15 për qind të kartonit të lojtarit. /Telegrafi/

Jadon Sancho… here we go. Manchester United and BVB have prepared official paperworks tonight – to be signed in the next few hours. 🔴 #MUFC #Sancho

Jadon contract agreed until June 2026 + option until June 2027.

Manchester City will receive around €13m as part of the deal.

— Fabrizio Romano (@FabrizioRomano) July 1, 2021