Mjeku i Interit, Volpi: Eriksen kaloi testet mjekësore pa asnjë problem

Mjeku i Interit, Piero Volpi, ka thënë se testet mjekësore të Christian Eriksen ‘kurrë nuk theksuan ndonjë problem’, ndërsa ylli i Danimarkës thuhet se u tha shokëve të tij të skuadrës se ai shpreson të ‘kthehet shpejt’.

Mesfushori kreativ ra pa ndjenja në fushë gjatë pjesës së parë të ndeshjes debutuese të ekipit të tij kombëtar të Euro 2020 kundër Finlandës mbrëmë (e shtunë).

Mjekët i dhanë reanimacion kardiopulmonar në fushë dhe arritën ta kthejnë në jetë pas 15 minutave ku nuk dihej asnjë për jetën e tij.

“Ai po merrte frymë dhe unë mund ta ndieja pulsin e tij. Por papritmas kjo ndryshoi. Dhe siç e panë të gjithë, ne filluam t’i jepnim CPR”, ka thënë mjeku i Danimarkës, Morten Boesen për AP.

Lexo po ashtu “Papritmas nuk e ndjemë pulsin e tij”, mjeku i Danimarkës përshkruan momentet e frikshme pas sulmit në zemër të Eriksenit

Mjekët fjalë për fjalë i shpëtuan jetën Eriksen në fushë para se ylli i Danimarkës të dërgohej në spital, ku ai do t’i nënshtrohet ekzaminimeve të mëtejshme mjekësore.

Drejtori i Interit, Beppe Marotta zbuloi se Eriksen u dërgoi mesazh shokëve të tij në whatsapp nga spitali. Sipas La Gazzetta dello Sport, 29-vjeçari shkroi: ‘Ndihem mirë dhe shpresoj të kthehem së shpejti’.

Mjeku i Interit, Volpi lëshoi ​​një intervistë duke thënë se testet e bëra nga lojtari në Inter dhe Tottenham kurrë nuk treguan ndonjë problem.

Lexo po ashtu Italia i ndalon me ligj sportistët me anomali kardiake, Eriksen nuk ka gjasa të luajë në Serie A nëse konfirmohet sulmi në zemër

“Ishte një orë kaq e keqe, jo vetëm për mua, por për të gjithë familjen Inter”, ka thënë fillimisht Volpi për Gazetta dello Sport.

“Eriksen do t’i nënshtrohet ekzaminimeve të mëtejshme në ditët e ardhshme, gjëja më e rëndësishme është se ai ndihet mirë, por kurrë nuk kishte pasur një episod që të linte të kuptohet nga larg për një problem, as kur ishte në Tottenham, as në Inter. Në Itali, kontrollet janë rigoroze”, përfundoi mjeku italian. /Telegrafi/