Dukagjini ka arritur të fitojë me penallti (4-3) në ndeshjen e barazhit për Superligën e Kosovës ndaj Trepçës ’89, pasi ndeshja e rregullt dhe vazhdimet u mbyllen me rezultat të barabartë 1-1. Me këtë fitore, klubi nga Klina siguron inkuadrimin në Superligës, ndërsa mitrovicasit bien në Ligën e Parë.
Ndeshja e zhvilluar në stadiumin ‘Fadil Vokrri’ në Prishtinë ka dhuruar shumë emocione dhe ishte shumë e luftuar.
Megjithatë, në fund ishin vetëm klinasit atë të cilët iu gëzuan fitores dhe inkuadrimit në Superligën e Kosovës.
Pjesa e parë e ndeshjes u takoi për një nuancë mitrovicasve, të cilët patën më shumë raste për gol, dhe arritën ta tundin rrjetën një herë.
Goli i vetëm në këtë pjesë erdhi në minutën e 30-të dhe ishte Adenis Shala, i cili nga afërsia shënoi për 0-1 pas asistimit të Arbnor Mujës.
Në pjesën e dytë, Dukagjini arriti të kthehet në lojë, të krijoj më shumë dhe të shënojë edhe golin e barazimit.
Ishte sulmuesi i njohur Labinot Osmani (52’) që nga afërsia arriti të barazojë shifrat në 1-1 pas asistimit të Altin Merlakut.
Deri në fund të ndeshjes pati edhe disa raste nga të dyja skuadrat, por pa arritur t’i ndryshojnë shifrat dhe ndeshje shkoi në vazhdime pas barazimit 1-1.
Pjesa e parë e vazhdimeve i takoi për një nuancë ‘Minatorëve’ të cilët rrezikuan me anë të Muharrem Jasharit (91’), por goditja shkoi jashtë portës dhe shifrat mbeten të pandryshuara.
Në pjesën e dytë të vazhdimeve, nuk është se pati edhe aq lojë pasi të dyja skuadrat nuk dëshironin të rrezikonin dhe të humbnin në fund, kështu që u pajtuan me ekzekutimin e penalltive, pasi ndeshja pas 120 minutave u mbyll 1-1.
Në penallti më të saktë ishin lojtarët e Dukagjinit, të cilët arritën të shënojnë katër penallti, ndërsa 89-shi shënoi tre herë.
Me këtë fitore, Dukagjini siguron inkuadrimin në Superligë, duke iu bashkuar dy skuadrave tjera nga Liga e Parë, Malishevës dhe Ulpianës.
Trepça ’89: Sedat Berisha 1-0, Arbnor Muja 2-1, Muharrem Jashari X, Ardian Muja X, Robert Rrahmani 3-3.
Dukagjini: Labinot Osmani 1-1, Vildan Kerim 2-2, Elton Basriu X, Altin Merlaku 2-3, Erlind Mulaj 3-4.
/Telegrafi/
Promo
Reklamo këtuLufta Prigozhin - Putin
Më shumëI pandalshëm Edon Zhegrova, e lë në ‘gjumë’ portierin e Lyonit me një super gol
Po e kërkon e gjitha Evropa, sensacioni i River Plates ka vendosur të luajë për Real Madridin
Bisedimet kanë nisur, Jose Mourinho befason të gjithë me skuadrën e tij të re
Jurgen Klopp mund të humbasë ceremoninë lamtumirëse në ‘Anfield’ nëse ndodh kjo gjë ndaj Aston Villës
Rekordit të jashtëzakonshëm të Bruno Fernandes i vjen fundi pasi humbi ndeshjen ndaj Crystal Palace
Caktohet gjyqtari për ndeshjen kthyese Real-Bayern: Fat i keq për Los Blancos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'