Nënkryetari i parë i Lidhjes Demokratike të Kosovës, Lutfi Haziri thotë se kjo parti do të trajtojë kërkesat që kanë të bëjnë me çështje në interes të vendit, siç është tema e dialogut me Serbinë, pavarësisht që ato vinë nga pushteti. Megjithatë, ai thekson se ende nuk kanë pranuar ndonjë ftesë për takim nga kryeministri i vendit.
Haziri i kujton kryeministrit Albin Kurti se në kohën sa ai ishte në opozitë nuk ka bashkëpunuar me asnjë qeveri sa i përket dialogut. Ai thotë për çështjet si dialogu nevojitet unitetet dhe duhet gjetur formula që mund t’i bashkojë në tryezë partitë e mëdha politike në Kosovë.
Kryeministri Kurti ka paralajmëruar ditë më parë se do t’i ftojë drejtuesit e partive politike në Kosovë për të diskutuar rreth dialogut, para se ai të rifillojë në qershor.
Numri dy i LDK-së thotë se kjo parti ende nuk e ka diskutuar një gjë të tillë, meqë ende nuk kanë pranuar ndonjë ftesë për takim.
“LDK ende nuk e ka diskutuar sepse ne nuk kemi pasur asnjë lloj ftese deri tash. Ne me Qeverinë Kurti e kemi bërë të qartë qëndrimin tonë se do të jemi opozitë dhe qëndrimi ynë opozitë është qëndrim i qartë si kristali në këtë drejtim. Ne do të vazhdojmë të trajtojmë kërkesat që do të vinë nga ana e kryeministrit për t’i parë nga afër por çdo kush duhet me pas parasysh se kryeministrit sot në detyrë nuk ka bashkëpunuar me asnjë qeveri në të kaluarën për procesin e dialogut dhe përfshirjen në një konsensus eventual. Do të mundohemi, dhe besoj do të duhet të mundohemi me i lënë inatet politike anash, me qenë racional, në interesa kombëtare, të bashkuar dhe me u përballë me një proces i cili nuk do të jetë i lehtë, i cili është detyrë e qeverisë në radhë të parë”, thotë Haziri për KosovaPress.
LDK si parti opozitare ka dëshmuar konstruktivitet duke votuar edhe kandidatin e Lëvizjes Vetëvendosje për president të vendit, ish-bashkëpartiaken e tyre Vjosa Osmanin, për çka Haziri thotë se këtë e kanë bërë pa asnjë kërkesë apo kushtëzim politik.
“Ne do t’i trajtojmë me kujdes, nuk i paragjykojmë ftesat as proceset, ne do të jemi të kujdesshëm në trajtimin e të gjitha çështjeve që janë në interes të vendit. Ne shembullin tonë e nuk e kemi vetëm deklarativ, ne e kemi praktikuar në zgjedhjen e presidentes së Republikës pas asnjë kërkesë dhe pa asnjë kushtëzim politik. Ne shpresojmë shumë që të zbatohen detyrat kushtetuese nga bartësit e institucioneve të shtetit, por LDK do të jetë gardian i Republikës. 17 shkurti i 2008 dhe rilindja e kësaj Republike neve na bënë të obligueshëm që me i mbyllë çështjet e hapura dhe e vetmja çështje e hapur në regjion është ajo me Serbinë dhe integrimi i Kosovës me institucionet ndërkombëtare, që përfshinë edhe ato evropiane dhe OKB-në si institucion më i lartë. Deri aty duhet unitet dhe duhet me u gjet formula dhe njeriu i cili mund t’i bashkojë forcat politike, shumicën e madhe politike, edhe minoritetet pse jo, sepse Kosova është e të gjithëve”, shton ai.
Nënkryetari i LDK-së thotë se formati politik i dialogut në Bruksel duhet të jetë i barabartë dhe të eliminojë agjendat e fshehura duke u bërë e qartë se a ka nevojë të negociohet diçka.
“Gjykata Kushtetuese nuk i jep askujt rol përveç kryeministrit, kryeministri nuk mund të delegojë këtë detyrë, as të zëvendëskryeministri i tij, as të grup ministrat, në çështje të punës ditore, të vlerësimeve e analizave dhe bartjes së çantave po, por në uljen në tavolinë me formatin politik i cili po përgatitet në Bruksel duhet të jemi të gatshëm të përballemi njëjtë, në një format politik të barabartë, në një agjendë të zbardhur politike e cila eliminon agjendat e fshehura, me ditë saktë për çka dhe cilat janë çështjet që do të përfshihen dhe cilat janë çështjet që do të negociohen dhe a ka nevojë të negociohet sepse Kosova ka dhënë shumë dhe e fundit duhet një kohë e përcaktuar e cila e di kur është fillimi dhe kur fundi”, thekson Haziri.
Ai flet edhe për refuzimin e Kurtit që të takojë presidentin serb më 11 maj në Bruksel e edhe për ndarjen e 11 milionë eurove për pagesë ne energjisë në veri të vendit.
“Shtyerja e dialogut për 11 maj dhe pagesa e 11 milionë eurove është kontradiktore, nuk dua të takohem me 11 maj por agjendën e shtyn brenda për pagesë ne 11 milionë eurove borxh , këto dy 11-she nuk përputhen në agjendë, por besoj shumë që kushdo që është dakorduar për një orar të ri të mbështetet dhe Kosova nëse e mban më 18 qershor një takim të ri, atëherë t’i fitojmë 18 milionë euro të borxhit të energjisë që Serbia ja ka Kosovës, në kuadër të traktatit të energjisë. Zemërgjerësia në thonjëza politike e kësaj qeverie dhe pagesa e 11 milionë eurove është zgjidhja e një problemi të madh në Kosovë që ka ndodh që dhjetë vite, sepse kjo ka qenë në agjendë të çdo qeverie”, përfundon ai.
Nënkryetari i LDK-së vlerëson se dialogu është e vetmja rrugë të cilën Kosova duhet ta shoh në zgjidhjen e problemit me Serbinë. /Telegrafi/
Lufta Prigozhin - Putin
Më shumëNga Rubrika
Të shtënat në Çair, OBRM-PDUKM: LSDM krijoi banda kriminale në kryeqytet
Nagavci: Familjeve që nuk kanë mundësi financiare, do t’ia mbulojmë pagesën e çerdheve
Kurti takon ish-presidentët Moisiu dhe Sejdiu, diskutojnë për progresin ekonomik dhe bashkëpunimin Kosovë-Shqipëri
Shefi i Zjarrfikësve jep detaje nga aksidenti tragjik në Liqenin e Badovcit: Dy trupa u gjetën në ujë, një në veturë
Dyshohet se vetura ra në Liqenin e Badovcit, humbin jetën tre persona
Aksidenti me tre të vdekur, reagon Rama: Momentet e tilla janë të rënda për të gjithë ne
Tragjedia në Liqenin e Badovcit, reagon Haradinaj
Nga Mali i Zi në Kosovë: Historia e mjekes që u bë dorë e zgjatur për shumë gra
Kaluan ilegalisht kufirin në Zubin Potok – policia arreston dy persona, u gjeti radiolidhje dhe thikë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit